Цёплае надвор'е з кароткачасовымі дажджамі чакаецца ў Беларусі ў выхадныя, паведаміла галоўны сіноптык службы гідраметэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Святлана Рыбакова.
"Верасень развітаецца з намі цёплым надвор'ем. У атмасферы ўстановіцца заходне-ўсходні перанос паветраных мас. На змену халоднаму паветру паўночных шырот прыйдзе цёплая паветраная маса з Заходняй Еўропы", - расказала сіноптык.
У суботу і нядзелю месцамі пройдуць кароткачасовыя дажджы. Раніцай у асобных раёнах чакаецца туман. Тэмпература паветра ўдзень складзе ад 16 да 23, месцамі па Гомельскай і Брэсцкай абласцях паветра прагрэецца да 25 градусаў.
"Аднак пацяпленне будзе непрацяглым, на наступным тыдні зноў пахаладае. У пачатку тыдня тэрыторыя Беларусі апынецца пад уплывам актыўных атмасферных франтоў, што перамяшчаюцца з Заходняй Еўропы, яны выцесняць цяпло за межы рэспублікі", - адзначыла Святлана Рыбакова.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.