Вы тут

Цікавасць да Дзён Гомельскай вобласці выказалі больш за 200 гасцей


У Маскве падчас Дзён Гомельскай вобласці падпісаны пратаколы пра намеры, якія тычацца стварэння вытворчасці экалагічна чыстых вадкіх канцэнтратаў і сухіх торфа-сапрапелевых сумесяў для земляробства, а таксама кармавых дабавак для жывёлагадоўлі. Таксама гамяльчане прапанавалі інвестыцыйныя праекты па будаўніцтве шчэбневага завода і рэканструкцыі шклатарнай вытворчасці, перапрацоўцы дзікарослых грыбоў і ягад і арганізацыі вытворчасці сухіх бульбяных шматкоў.


Прэзентацыя эканамічнага, інвестыцыйнага і турыстычнага патэнцыялу Гомельскай вобласці прайшла 28 верасня ў дзелавым і культурным комплексе пасольства Беларусі ў Расіі, паведаміла прэс-сакратар Гомельскага аблвыканкама Вольга Рабікава. Цікавасць да мерапрыемства выказалі больш за 200 гасцей не толькі з розных рэгіёнаў Расійскай Федэрацыі, але і з далёкага замежжа.

— Гэта знакавая падзея ў двухбаковых гандлёва-эканамічных стасунках, гісторыя якіх налічвае не адну сотню гадоў, — адзначыў старшыня Гомельскага аблвыканкама Уладзімір ДВОРНІК. — Гістарычныя знаходкі, якія захоўваюцца ў фондах абласнога краязнаўчага музея, сведчаць пра тое, што кожны трэці груз апошнія тры стагоддзі прыходзіў у горад над Сожам менавіта з Масквы. Сёння 60% аб'ёму знешнегандлёвых аперацый ажыццяўляецца з Расіяй. Першыя пазіцыі традыцыйна займаюць Масква і Маскоўская вобласць. Толькі за апошнія паўтара года знешнегандлёвы абарот Гомельшчыны з расійскімі рэгіёнамі склаў $6 млрд.

На думку Уладзіміра Дворніка, задача Дзён Гомельскай вобласці — вывесці гандлёва-эканамічныя, навукова-тэхнічныя, культурныя і сацыяльныя сувязі на якасна новы ўзровень. У мерапрыемстве ўдзельнічалі прадстаўнікі органаў улады, дыпламатычных устаноў і дзелавыя кругі Маскоўскага рэгіёна. Патэнцыял Гомельскай вобласці дэманстравалі вядомыя прадпрыемствы, сярод якіх СЭЗ «Гомель-Ратон», Гомельскі тэхнапарк, прадпрыемствы гомельскага мяса-малочнага холдынга, лёгкай прамысловасці і іншыя. Культурную праграму прадставілі выставы «Народны абраз Гомельшчыны», «Неглюбскія ручнікі» і творчыя калектывы рэгіёна.

Ірына АСТАШКЕВІЧ

іost@zvіazda.by

Загаловак у газеце: Новы ўзровень сувязяў

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».