Вы тут

Кнігі 1740 года знайшлі супрацоўнікі брэсцкай мытні


Ніяк не мог падумаць венецыянскі выдавец, што кнігі, надрукаваныя ім у 1740 годзе, больш чым праз дзвесце пяцьдзясят гадоў назавуць у Брэсце кантрабандай. Менавіта супрацоўнікі брэсцкай мытні зацікавіліся не зусім звычайным грузам у машыне расіяніна, што ехаў з Заходняй Еўропы праз памежны пераход «Варшаўскі мост».


Было відаць, што кнігі старадаўнія, могуць быць аднесеныя да катэгорыі культурных каштоўнасцяў, таму падлягаюць абавязковаму дэклараванню, якога грамадзянін не правёў. І кнігі затрымалі да высвятлення.

Як паведамілі ў прэс-групе Брэсцкай мытні, экспертыза ўстанавіла прыкладны год выдання фаліянтаў, кнігі на лацінскай мове выйшлі ў свет у прамежку часу ад 1736 да 1740 года. А выданні, якім больш за 100 гадоў, паводле закона, лічацца культурнымі каштоўнасцямі. Тавар канфіскаваны да рашэння суда.

Святлана ЯСКЕВІЧ

yackevich@zviazda.by

Загаловак у газеце: Кнігі з Венецыі

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».