Старшыня Парламенцкай асамблеі Арганізацыі па бяспецы і супрацоўніцтве ў Еўропе Крысцін Мутонен наведае Беларусь. Дэталі яе візіту абмяркоўваліся на сустрэчы з намеснікам старшыні Палаты прадстаўнікоў Нацыянальнага сходу Віктарам Гумінскім у межах яго ўдзелу ў восеньскім пасяджэнні Парламенцкай асамблеі АБСЕ ў Скоп'і (Македонія). Асобным пунктам размовы стала падрыхтоўка да правядзення 26-й штогадовай сесіі ПА АБСЕ ў Мінску ў наступным годзе.
Акрамя гэтага, Віктар Гумінскі абмеркаваў сітуацыю ва Украіне з Генеральным сакратаром АБСЕ Ламбэртам Заньерам. Спадар Заньер адзначыў, што Арганізацыя па бяспецы і супрацоўніцтве ў Еўропе высока ацэньвае ролю Беларусі ва ўрэгуляванні крызісу ў краіне-суседцы. Станоўча была адзначана і дамоўленасць, якая нядаўна дасягнута ў Мінску ў фармаце трохбаковай кантактнай групы па Украіне аб развядзенні сіл і сродкаў.
Высокую зацікаўленасць да нашай краіны праявілі і парламентарыі іншых дэлегацый, напрыклад Аўстрыі, Арменіі, Балгарыі, Швейцарыі. Віктар Гумінскі правёў з імі шэраг двухбаковых сустрэч.
Надзея АНІСОВІЧ
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.