28 верасня, панядзелак

Вы тут

У сталіцы ў прыпаркаванае аўто ўехалі двойчы


Адзін з вінаватых да прыезду ДАІ паспеў аформіць страхоўку.

У Мінску ў аўтамабіль, пакуль ён стаяў на паркоўцы, за кароткі прамежак часу ўрэзаліся дзве іншыя машыны.


Паводле інфармацыі АДАІ Маскоўскага раёна сталіцы, увечары на вуліцы Карла Лібкнехта дзяўчына прыпаркавала аўтамабіль «Хонда» і пайшла па справах. Вярнуўшыся літаральна праз дзесяць хвілін, яна ўбачыла, што ў яе машыну ўехаў аўтамабіль «Форд», якім кіраваў хлопец. Пакуль кіроўцы размаўлялі, з процілеглага боку вуліцы выехаў аўтамабіль «Рэно». Яго кіроўца не разлічыў адлегласць і ўрэзаўся зноў у машыну дзяўчыны.

Калі на месца двайнога дарожна-транспартнага здарэння прыбылі супрацоўнікі Дзяржаўтаінспекцыі, кіроўца «Рэно» прад'явіў ім страхоўку грамадзянскай адказнасці, аформленую ў... 17.50. А аварыя здарылася ў 17.30. Высветлілася, што кіроўца паспеў паміж аварыяй і прыездам супрацоўнікаў Дзяржаўтаінспекцыі збегаць у найбліжэйшае страхавое агенцтва на гэтай жа вуліцы і аформіць страхоўку, якой у яго не было. Падман быў раскрыты. Цяпер абодва кіроўцы заплацяць штрафы за парушэнне Правілаў дарожнага руху, што пацягнула пашкоджанне транспартнага сродку. А кіроўца «Рэно» дадаткова аштрафаваны на 210 рублёў за адсутнасць страхоўкі на момант аварыі.

Сяргей РАСОЛЬКА

rs@zviazda.by

Выбар рэдакцыі

Рэлігія

Адноўлены Тураўскі крыж паказалі ў Мінску

Адноўлены Тураўскі крыж паказалі ў Мінску

Вячэрняе набажэнства у саборы прайшло, авеянае дарагімі для ўсіх сімваламі вяртання і адраджэння духоўных традыцый.  

Культура

75 гадоў таму адкрылася першая экспазiцыя музея Янкi Купалы

75 гадоў таму адкрылася першая экспазiцыя музея Янкi Купалы

Давайце з нагоды пачэснага юбiлею пройдземся па залах музея, у кожнай з якiх свае цiкавосткi.