Вы тут

Брытанскі прынц прыязджае ў Беларусь


Пра гэта паведаміў на брыфінгу Дзмітрый МІРОНЧЫК, начальнік упраўлення інфармацыі — прэс-сакратар Міністэрства замежных спраў. Візіт члена брытанскай каралеўскай сям'і, стрыечнага брата каралевы Лізаветы ІІ прынца Майкла Кенцкага адбудзецца 10—13 кастрычніка, у Беларусі ён будзе знаходзіцца з рабочым візітам.


— Прынц Майкл Кенцкі займаецца кансалтынгавай дзейнасцю, бізнесам і дабрачыннасцю ў шэрагу краін свету, — расказаў Дзмітрый Мірончык. — У прыватнасці, пад патранажам Яго Высокасці рэалізуецца шэраг глабальных некамерцыйных ініцыятыў у сферы бяспекі дарожнага руху — Міжнародны дабрачынны фонд «Іnternatіonal Road Safety Awards» і некамерцыйная структура «RoadSafe», якія ўкараняюць новыя тэхналогіі будаўніцтва дарожнай інфраструктуры, а таксама бяспекі пешаходаў і вадзіцеляў.

Як паведаміў прэс-сакратар знешнепалітычнага ведамства, у рамках візіту плануецца правядзенне сустрэч з беларускімі афіцыйнымі асобамі, наведванне Парка высокіх тэхналогій, а таксама шэрагу гістарычных і культурных аб'ектаў — мемарыяльнага комплексу Хатынь, Беларускага дзяржаўнага музея гісторыі Вялікай Айчыннай вайны, Нацыянальнага мастацкага музея.

— Візіт члена брытанскай каралеўскай сям'і будзе садзейнічаць развіццю двухбаковага гандлёва-эканамічнага супрацоўніцтва, а таксама пашырэнню культурных сувязяў паміж Беларуссю і Вялікабрытаніяй, — заявіў Дзмітрый Мірончык.

Надзея ЮШКЕВІЧ

yushkevich@zviazda.by

Выбар рэдакцыі

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.