Вы тут

У Вялікім тэатры оперы і балета адбудзецца канцэрт беларускай музыкі


У Малой зале Вялікага тэатра оперы і балета адбудзецца канцэрт, прысвечаны беларускай музыцы. Акадэмічная пляцоўка, класічныя творы, папулярныя кампазіцыі і фальклор, калектыў «Беларуская капэла» ў якасці выканаўцы, Віктар Скарабагатаў і Ганна Каржанеўская як мастацкія кіраўнікі канцэрта. У выніку гэта «Чатыры стагоддзі беларускай вакальнай музыкі», што прагучаць са сцэны 20 кастрычніка.


Зрэшты, часавыя рамкі будуць нават крыху пашыраны некаторымі выключэннямі, але ў цэлым канцэрт ахоплівае XVІІ—XX стагоддзі беларускага вакалу. Гэта рамансы Міхала Клеафаса Агінскага, творы Антона Радзівіла, Станіслава Манюшкі, Напалеона Орды, Фларыяна Міладоўскага, Яна Тарасевіча, ужо народныя кампазіцыі, як «Ой, калінушка» альбо «Цераз рэчаньку, цераз балота падай ручаньку, мая залота...». Саліраваць пад акампанемент піяніна (Дзіяна Моршнева і Паліна Задрэйка) будуць сапрана Алена Золава, тэнар Юрый Гарадзецкі і барытон Ілья Сільчукоў з «Беларускай капэлы».

«На малой сцэне Камернай залы падобныя праграмы пад кіраўніцтвам Віктара Скарабагатава рыхтуюцца 3-4 разы ў сезон. Тэатр арганізуе таксама вечары, прысвечаныя зоркам беларускай оперы, напрыклад, нядаўна Георгій Карант і Віктар Скарабагатаў падрыхтавалі канцэрт у гонар Валерыя Глушакова. Што тычыцца вялікай сцэны, беларуская спадчына прадстаўлена операй «Сівая легенда» і нацыянальным балетам «Вітаўт», тут можна згадаць і балет «Маленькі прынц» на музыку беларускага кампазітара Яўгена Глебава», — расказалі ў тэатры.

Ірэна КАЦЯЛОВІЧ

katsyalovіch@zvіazda.by

Загаловак у газеце: Не Агінскім адзіным

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.