Міністэрствам антыманапольнага рэгулявання і гандлю па ўзгадненні з міністэрствамі культуры і архітэктуры і будаўніцтва распрацаваны рэкамендацыі па арганізацыі і размяшчэнні перасоўных сродкаў развознага і разноснага гандлю.
Таксама яны тычацца нестацыянарных аб'ектаў грамадскага харчавання, летніх пляцовак (у працяг залы), прылеглых да будынкаў і збудаванняў, у памяшканнях якіх размяшчаецца аб'ект грамадскага харчавання. Як паведамілі ў прэс-службе міністэрства, рэкамендацыі скіраваны на забеспячэнне адзіных падыходаў і патрабаванняў да арганізацыі і размяшчэння перасоўных сродкаў развознага і разноснага гандлю, нестацыянарных аб'ектаў грамадскага харчавання, а таксама арганізацыі і размяшчэння летніх пляцовак. Дакумент дазволіць пазбегнуць неадназначнага тлумачэння нормаў заканадаўства па гэтых пытаннях, скарачэння адміністрацыйных бар'ераў у развіцці паслуг грамадскага харчавання.
Рэкамендацыі распрацаваны на падставе прапаноў міжведамаснай працоўнай групы, створанай распараджэннем прэм'ер-міністра для выпрацоўкі прапаноў па ўдасканаленні арганізацыі грамадскага харчавання ў Беларусі.
Сяргей РАСОЛЬКА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.