Найлепшы прыклад мясцовага самакіравання — гэта Магдэбургскае права. Менавіта тыя беларускія гарады дасягалі росквіту, дзе найбольш актыўна ў грамадскім жыцці ўдзельнічала насельніцтва. Сярод гарадоў сучаснай Магілёўскай вобласці, якія калісьці мелі гэта выключнае права, — Магілёў, Бабруйск, Бялынічы, Крычаў, Мсціслаў, Чавусы, Чэрыкаў, Шклоў... Але ці шмат хто з сённяшніх іх жыхароў дакладна гэта ведае?
Магілёўская арганізацыя Таварыства беларускай мовы вырашыла запоўніць прабел. За дабрачынныя ахвяраванні грамадзян і арганізацый робяцца памятныя дошкі, якія па ўзгадненні з раённым кіраўніцтвам усталёўваюцца на гістарычных будынках. Некалькі дзён таму памятная дошка з'явілася на будынку раённай бібліятэкі ў Бялынічах.
— Гэта дае людзям, звычайнаму чалавеку адчуванне даўніны, гонару за гісторыю краіны. Нагадвае, што яшчэ ў XVI—XVII стагоддзі былі гарады, дзе існавала самакіраванне і людзі самі вызначалі свой лёс. Тут актыўна развіваліся будаўніцтва, гандаль, вытворчасць. Усё гэта залежала ў першую чаргу ад актыўнай пазіцыі насельніцтва, — адзначыў кандыдат філалагічных навук, старшыня абласной арганізацыі ТБМ Яраслаў Клімуць.
Сёлета памятныя дошкі, акрамя Бялыніч, усталяваны ў Чэрыкаве і Чавусах. Паступова яны з'яўляюцца ва ўсіх гарадах Магілёўскай вобласці, дзе калісьці было Магдэбургскае права.
Нэлі ЗІГУЛЯ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
