Да 1 красавіка, у якасці эксперыменту, кіроўцаў Гродзенскай вобласці заклікаюць ездзіць з пастаянна ўключаным блізкім святлом фар. У аддзяленні агітацыі і прапаганды ўпраўлення ДАІ УУС Гродзенскага аблвыканкама гавораць, што гэта толькі прапанова, і штрафаваць за тое, што нехта забыўся ўключыць фары, не будуць.
Да пачатку эксперыменту падштурхнулі і вынікі апытання, праведзенага ў адной з сацыяльных сетак. Удзел у ім прынялі амаль чатыры тысячы рэспандэнтаў. Каля 74 працэнтаў з іх падтрымалі ініцыятыву аб выкарыстанні блізкага святла фар у светлы час сутак. Жыхары рэгіёна ў каментарыях выказваліся з нагоды падобнага новаўвядзення станоўча. Ва УДАІ УУС Гродзенскага аблвыканкама падкрэслілі, што тэме выкарыстання блізкага святла фар не толькі ў цёмны час сутак прысвечана вялікая колькасць даследаванняў. Напрыклад, калі на прамым гарызантальным участку дарогі аўтамабіль становіцца прыкметным на адлегласці 1-1,5 кіламетра, то ўключэнне блізкага святла фар павялічвае дыстанцыю выяўлення прыкладна яшчэ на 1 кіламетр. Для кіроўцаў, якія рухаюцца насустрач адзін аднаму з хуткасцю 90 кіламетраў у гадзіну, гэтым забяспечваецца запас у 20 дадатковых секунд для ацэнкі сітуацыі і прыняцця рашэння. Уключанае блізкае святло фар або дзённыя хадавыя агні зробяць больш заўважным аўто і для суседзяў па патоку, і для пешаходаў. Для прыцягнення ўвагі да эксперыменту ў ДАІ плануюць правесці рэкламную кампанію ў сацсетках і СМІ і некалькі мерапрыемстваў у падтрымку ініцыятывы.
Сяргей РАСОЛЬКА
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
