Вы тут

14 кастрычніка стартуе выстаўка-форум «Мацярынства і дзяцінства»


Нашым мамам прысвячаецца.

Само свята традыцыйна адзначаецца ў дзень Пакрова Прасвятой Багародзіцы — 14 кастрычніка. Урачыстыя мерапрыемствы, прымеркаваныя да гэтай падзеі, адбудуцца ў нашай краіне ўжо ў 18-ы раз. У праграме — семінары, кансультацыі і майстар-класы, прысвечаныя ўмацаванню сям'і, выхаванню дзяцей і ролі жанчыны ў сучасным жыцці, а таксама буйная выстаўка-форум «Мацярынства і дзяцінства». Кульмінацыя тыдня — уручэнне Ордэна Маці.


У гэтым годзе высокай узнагароды ўдастоіліся 28 мінчанак. Умовы атрымання Ордэна няпростыя: у адважнай жанчыны павінна быць не менш за 5 дзяцей ва ўзросце да 18 гадоў. Яшчэ адзін важны фактар — іх добрае выхаванне: такія сем'і заўсёды пад пільным наглядам дзяржавы. Усяго за 20 гадоў, на працягу якіх уручаецца гэтая ўзнагарода, яе атрымалі 568 беларусак. Як адзначыла старшыня Камітэта па працы, занятасці і сацыяльнай абароне Мінгарвыканкама Жанна РАМАНОВІЧ, сярод жанчын становіцца ўсё больш тых, у каго атрымліваецца сумяшчаць паспяховую кар'еру і вялікую сям'ю. Для таго каб гэта было магчымым, дзяржава стараецца ствараць спрыяльныя ўмовы.

«Малышам на радасць, з карысцю для мам» — пад такім дэвізам праходзіць выстаўка-форум «Мацярынства і дзяцінства». Кіраўнік выстаўкі Вольга ІВАНОВА расказала, што на час дзеяння экспазіцыі — з 13 па 16 кастрычніка — запланавана больш за 70 навучальных, развівальных і забаўляльных мерапрыемстваў, уваход на ўсе — бясплатны. Мамы змогуць абмеркаваць са спецыялістамі спрэчную тэму груднога выкормлівання, даведацца ўсё пра бяспеку дзяцей як у рэальным жыцці, так і ў сетцы інтэрнэт, пракансультавацца з супрацоўнікамі сацыяльных службаў у цэнтры «Сям'я» і нават паўдзельнічаць з немаўлятамі ў слінг-дэфіле. Дзяцей чакаюць майстар-класы па арыгамі, папяровай пластыцы, скрапбукінгу, спаборніцтвы на дзіцячых роварах і электрамабілях і самае галоўнае — велізарны інтэрактыўны горад цацак.

Упершыню ў рамках выстаўкі пройдзе конкурс для будучых мам «Superмама», а самым маштабным мерапрыемствам стане фестываль блізнят і двайнят «Шчасце ўдвая».

Дар'я КАСКО

kasko@zvіazda.by

Загаловак у газеце: Першае слова і самае ганаровае званне

Выбар рэдакцыі

Грамадства

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

У пачатковы перыяд Вялiкай Айчыннай вайны зацятыя баi разгарнулiся пры абароне Барысава — старадаўняга беларускага горада на Бярэзiне. 

Грамадства

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

«Лічбавыя жулікі», якія здымаюць грошы з чужых банкаўскіх карт, звычайна маскіруюцца пад інтэрнэт-рэсурсы, вартыя даверу.