Стала традыцыяй у Брэсце сустракаць усіх маладых спецыялістаў у галіне аховы здароўя ва ўрачыстай абстаноўцы, жадаць ім паспяховай работы і ўручаць наказы ад старэйшых калег.
Сёлета ўсе прызначаныя на работу ва ўстановы Брэста і Брэсцкага раёна былі запрошаны на сход у цэнтральную гарадскую бальніцу. У зале сабралася 194 чалавекі, з іх 61 — урачы. На сходзе адзначалася, што ў Брэсцкім рэгіёне назіраецца натуральны прырост насельніцтва, што з'яўляецца вельмі аптымістычным паказчыкам, у гэтым ёсць пэўная заслуга і медыцынскіх работнікаў. «Штогод у абласным цэнтры адкрываюцца новыя корпусы медыцынскіх устаноў, якія неабходна камплектаваць кадрамі», — адзначыў на сустрэчы намеснік галоўнага ўрача цэнтральнай паліклінікі горада Андрэй Мокраў і пажадаў навічкам дасягнуць вялікіх поспехаў у выбранай прафесіі.
Святлана ЯСКЕВІЧ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».