Вы тут

Белтэлерадыёкампанія атрымала правы на трансляцыю Алімпіяды


Нацыянальная дзяржаўная тэлерадыёкампанія краіны заключыла з кампаніяй Dіscovery Communіcatіons дагавор аб трансляцыі ў Беларусі Алімпійскіх гульняў. Дзеянне дагавора распаўсюджваецца на наступныя зімовыя Алімпійскія гульні 2018 года ў Пхенчхане і летнюю Алімпіяду 2020 года ў Токіа.


Паводле дамовы, Dіscovery Communіcatіons перадала Нацыянальнай дзяржаўнай тэлерадыёкампаніі на ўмовах субліцэнзіі эксклюзіўныя аўдыявізуальныя правы на эфірныя тэлетрансляцыі і неэксклюзіўныя правы на радыётрансляцыі зімовых Алімпійскіх гульняў 2018 года і Алімпійскіх гульняў 2020 года. Галоўны медыяхолдынг краіны як нацыянальны вяшчальнік таксама атрымаў лічбавыя правы на кантэнт, які будзе транслявацца лінейнымі тэлеканаламі.

— Белтэлерадыёкампанія на працягу многіх гадоў з'яўлялася эксклюзіўным вяшчальнікам алімпійскіх трансляцый у Беларусі, і мы рады, што па-ранейшаму зможам прапанаваць нашым тэлегледачам і заўзятарам у свабодным доступе ўсе самыя яркія выступленні беларускіх атлетаў на алімпійскіх арэнах,  — адзначыў кіраўнік спартыўнага тэлеканала «Беларусь 5» Аляксандр Казюкевіч.

— Дзякуючы гэтаму партнёрству мы становімся на крок бліжэй да дасягнення нашай агульнай мэты — каб Алімпійскія гульні паглядзела больш заўзятараў, чым калі-небудзь раней, — падкрэсліла Катаржына Кіелі, прэзідэнт і кіраўнік-дырэктар Dіscovery Networks у Цэнтральнай і Усходняй Еўропе, на Блізкім Усходзе і ў Афрыцы.

Дар'я Лабажэвіч

Загаловак у газеце: Вялікія Гульні на нашых экранах

Выбар рэдакцыі

Грамадства

Пераможца «Жанчыны года-2018»: З трыма дзецьмі можа справіцца кожная пара

Пераможца «Жанчыны года-2018»: З трыма дзецьмі можа справіцца кожная пара

Тры гады таму прозвішча Трыкоза ўжо было на слыху.

Грамадства

Мэр Брэста Аляксандр Рагачук: Дзеці ў пясочніцах на касцях гуляць не будуць

Мэр Брэста Аляксандр Рагачук: Дзеці ў пясочніцах на касцях гуляць не будуць

Кіраўнік Брэсцкага гарвыканкама адмеркаваў рэзанансную тэму раскопак на тэрыторыі гета.

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.