19 Верасень, серада

Вы тут

Кітайскія касманаўты вернуцца праз месяц


Гэта шосты пілатуемы палёт, які ажыццявіла КНР.


Сёння ў 2.30 па мінскім часе з касмадрома Цзюцюань на паўночным захадзе Кітая быў ажыццёўлены запуск ракеты-носьбіта "Чанчжэн-2F"  ("Вялікі паход-2F") з касмічным караблём "Шэньчжоў-11"  ("Святы човен-11"), паведамляе "Жэньмінь жыбаа" анлайн". Праз два дні чакаецца стыкоўка карабля з касмічнай лабараторыяй "Цяньгун-2" ("Нябесны палац-2"). 

Члены экіпажа "Шэньчжоў-11" Цзын Хайпэн і Чэнь Дун ўстановяць рэкорд па працягласці знаходжання кітайскіх касманаўтаў у космасе. Праз 575 секунд пасля запуску "Шэньчжоў-11" аддзяліўся ад ракеты-носьбіта і выйшаў на зададзеную арбіту, паспяхова даставіўшы двух касманаўтаў у космас. Члены экіпажа адчуваюць сябе добра. 

Гэта шосты пілатуемы касмічны палёт, ажыццёўлены Кітаем. Згодна з планам, пасля выхаду на зададзеную арбіту "Шэньчжоў-11" выканае прыкладна двухдзённы самастойны палёт, а затым ажыццявіць аўтаматычную стыкоўку з лабараторыяй "Цяньгун-2". Касманаўты прабудуць на борце лабараторыі "Цяньгун-2" 30 дзён. Там яны правядуць навуковыя і прыкладныя эксперыменты, а таксама навукова-папулярныя мерапрыемствы. 

Пасля гэтага пройдзе адстыкоўка "Шэньчжоў-11" і "Цяньгун-2". "Шэньчжоў-11" на працягу дня вернецца на Зямлю, а "Цяньгун-2" застанецца на арбіце, чакаючы прыбыцця грузавога карабля "Тяньчжоу-1"  ("Нябесны карабель-1"). Зараз  "Цяньгун-2" знаходзіцца на арбіце на вышыні 393 км ад паверхні Зямлі, функцыянуе ў штатным рэжыме і гатовая для стыкоўкі з "Шэньчжоў-11" і прыёму касманаўтаў.

Дадаць каментар

Выбар рэдакцыі

Грамадства

Якім чынам можа праяўляцца адзінота?

Якім чынам можа праяўляцца адзінота?

Адзінота і асабліва адзінота ў сям'і — рэальная прыкмета нашага часу.

Грамадства

Усё, што трэба ведаць пра замяшчальную гарманальную тэрапію

Усё, што трэба ведаць пра замяшчальную гарманальную тэрапію

Лішняя вага, бяссонніца, прылівы, парушэнні ціску і астэапароз — далёка не ўсе праявы, якія падпільноўваюць жанчыну ў пэўным узросце. 

Спорт

Вячаслаў Грэцкі: Часам называюць мяне Уэйнам

Вячаслаў Грэцкі: Часам называюць мяне Уэйнам

Пра знакамітае прозвішча і сучаснасць беларускага хакея.