Вы тут

Высокія тэхналогіі павінны быць бясшкоднымі


У Мінску прайшоў XXІ Беларускі энергетычны і экалагічны форум, які пачаўся з Міжнароднай спецыялізаванай выставы «Энергетыка. Экалогія. Энергазберажэнне. Электра», адной з самых буйных у краінах СНД і Балтыі. Выстава з 1995 года прымае вядучых беларускіх і сусветных вытворцаў абсталявання, тэхналогій і матэрыялаў для энергетыкі, экалогіі, электратэхнікі.


У сталіцы Футбольны манеж ператварыўся на некалькі дзён у Мекку апошніх дасягненняў сусветнай энергетыкі. У гэтым годзе свае распрацоўкі і праекты прапаноўвалі энергетыкі і эколагі з 300 арганізацый 14 краін свету (Аўстрыя, Германія, Данія, Італія, Літва, Польшча, Расія, ЗША, Украіна, Чэхія і інш.).

Эфектыўнае выкарыстанне энергіі ў быце, вытворчасці было і застаецца вельмі актуальным. Урэшце, энергабяспека цэлай дзяржавы залежыць ад эфектыўных тэхналогій, якія прапаноўваюць сёння распрацоўшчыкі. Асаблівая ўвага пры гэтым надаецца і экалагічнасці вырабу ў розных яе праявах: уздзеянне на навакольнае асяроддзе, матэрыял, беспека вытворчасці.

Адкрылі форум міністр энергетыкі Рэспублікі Беларусь, намеснік старшыні арганізацыйнага камітэта Уладзімір Патупчык, міністр прыродных рэсурсаў і аховы навакольнага асяроддзя Рэспублікі Беларусь Андрэй Каўхута, старшыня Дзяржаўнага камітэта па стандартызацыі Віктар Назаранка, старшыня Дзяржаўнага камітэта па навуцы і тэхналогіях Аляксандр Шумілін, намеснік міністра ЖКГ Генадзь Трубіла, дырэктар ЗАТ «Тэхніка і камунікацыі» Рыгор Бондараў.

— Больш за 20 гадоў форум з'яўляецца ўнікальнай пляцоўкай для вырашэння пытанняў развіцця энергетыкі і экалогіі, павышэння энергаэфектыўнасці, вывучэння сусветнага вопыту, — адзначыў Уладзімір Патупчык. — Мэта форуму — укараненне інавацыйных тэхналогій, умацаванне доўгатэрміновага і ўзаемавыгаднага супрацоўніцтва беларускіх і замежных прадпрыемстваў і кампаній, прыцягненне ў краіну інвестыцый. Энергетыка з'яўляецца адной з прыярытэтных галін народнай гаспадаркі краіны, устойлівая праца якой стабілізуе электразабеспячэнне насельніцтва, эканамічнае развіццё краіны. Урад Беларусі праводзіць мэтанакіраваную палітыку па нарошчванні энергетычнага патэнцыялу краіны. У межах рэалізацыі дзвюх дзяржаўных праграм мадэрнізацыі беларускай энергасістэмы ўведзена ў эксплуатацыю каля 2 тысяч мегават высокаэфектыўных генерыруючых магутнасцяў, значна павышана эфектыўнасць яе працы, зніжаны да 40% фізічны знос. У цэлым зніжана залежнасць Рэспублікі Беларусь ад імпартуючых энергарэсурсаў.

Дзякуючы актыўнай дзяржаўнай палітыцы ў сферы газіфікацыі Беларусь сёння займае вядучыя пазіцыі сярод краін СНД па развіцці газазабеспячэння. За апошнія 20 гадоў у краіне пабудавана ў 4 разы больш газаправодаў, чым было да 1994 года. Інвестыцыі ў гэтай галіне складаюць 200 млн долараў штогод. Дынамічна развіваецца тарфяная прамысловасць. Поўнасцю механізаваны працэс здабывання і перапрацоўкі торфу. Прадпрыемствы пераходзяць на мясцовыя віды паліва.

Адным з найважнейшых нацыянальных праектаў з'яўляецца будаўніцтва АЭС (якая атрымала высокія адзнакі МАГАТЭ) і яе далейшая інтэграцыя ў сістэму энергазабеспячэння.

Андрэй Каўхута адзначыў, што высокія тэхналогіі павінны быць бясшкоднымі, працаваць на карысць паляпшэння агульнага экалагічнага стану:

— У сучасным грамадстве трэба, каб энергія была экалагічнай. Нельга дапусціць, каб выкарыстанне прыродных рэсурсаў прыводзіла да забруджвання навакольнага асяроддзя. На выставе прадэманстраваны новыя распрацоўкі ў галіне экалогіі. Неабходна ўкараняць такія тэхнічныя навінкі ў паўсядзённае жыццё, рацыянальна выкарыстоўваць прыродныя рэсурсы. Форум ставіць мэтай і павелічэнне выкарыстання ўзнаўляльных крыніц энергіі. Тым самым мы падтрымліваем умацаванне і далейшае развіццё зялёнай энергетыкі і ў цэлым зялёнай эканомікі.

Вольга Пралюк

pralyuk@zviazda.by

Загаловак у газеце: Форум экалогіі і энергетыкі

Выбар рэдакцыі

Культура

Як у Чавускім раёне праводзіліся святыя вечары

Як у Чавускім раёне праводзіліся святыя вечары

Традыцыя варажыць на нарачонага прыйшла з язычніцкіх часоў.

Грамадства

Мастацкі кіраўнік «Песняроў» пра радасці і складанасці сямейнага жыцця

Мастацкі кіраўнік «Песняроў» пра радасці і складанасці сямейнага жыцця

«Я лічу, што мужчына можа заводзіць сям'ю, калі ў яго ўжо ёсць сваё жыллё або выразная перспектыва, калі яно з'явіцца».

Грамадства

Небяспечныя гульні. На што трэба звярнуць увагу бацькам падлеткаў

Небяспечныя гульні. На што трэба звярнуць увагу бацькам падлеткаў

Днямі суд Першамайскага раёна Мінска абвясціў прысуд удзельнікам вечарынкі, падчас якой 19-гадовая дзяўчына загінула ад ужывання псіхатропу

Эканоміка

Падрыхтаваны праект новага ўказа аб аднаўляльных крыніцах энергіі

Падрыхтаваны праект новага ўказа аб аднаўляльных крыніцах энергіі

Так званая «зялёная» энергетыка ў апошнія гады развіваецца ў нашай краіне хуткімі тэмпамі.