19 Верасень, серада

Вы тут

Часопіс "Родная прырода" запускае праект "Жамчужыны Беларусі"


«Беларусь — краіна, якая ўмее здзіўляць», — кажуць замежнікі, уражаныя бачаным падчас падарожжаў па нашых знакамітых мясцінах. Многія з іх, акрамя таго, і месцам адпачынку выбіраюць Беларусь. Ёсць у гісторыі айчынных здраўніц нямала выпадкаў, калі задаволеныя замежнікі, ад'язджаючы з санаторыя, зноў браніруюць у ім нумары.


З года ў год пашыраецца геаграфія адпачывальнікаў, а расіяне, ізраільцяне, немцы ўжо даўно выбіраюць у якасці альтэрнатывы замежным бальнеалагічным курортам беларускія здраўніцы.

Узровень сучасных паслуг у сферы адпачынку набірае абароты, але не толькі аздараўленчая база вабіць да сябе патэнцыяльных адпачывальнікаў. Кожны з беларускіх санаторыяў размешчаны ва ўнікальным прыродным месцы, што і вызначае яго асноўны напрамак медыцынскай спецыялізацыі. Паспяхова практыкуецца таксама кліматалячэнне.

Праект «Жамчужыны Беларусі» дазволіць па-новаму зірнуць на беларускую прыроду і зрабіць больш шырока вядомымі яе непераўзыдзеныя вартасці. У нас ёсць такія рэдкія каштоўнасці, якія здавён цэняцца ва ўсім свеце. Хочацца верыць, што ў будучым яны набудуць гэткую ж вядомасць, як напрыклад, папулярныя Мінеральныя воды Каўказа або слынная ялцінская Мацэста.

У недрах Беларусі захоўваюцца багацці, здольныя аказваць цудатворнае ўздзеянне на арганізм чалавека. Яны вяртаюць яму страчаныя сілы, нармалізуюць здароўе, узнімаюць жыццёвы тонус. Такую добрую славу лекараў, як вядома, маюць радонавыя воды і сапрапелевыя гразі. Іх магутны тэрапеўтычны эфект дазваляе з высокай эфектыўнасцю лячыць многія захворванні.

Акрамя гэтага, прырода сама становіцца гаючай крыніцай, здольнай вярнуць стомленаму цывілізацыяй чалавеку душэўную раўнавагу. Прагулкі па экалагічных сцяжынках паляпшаюць настрой і даюць зарад бадзёрасці. Гэта таксама лепшыя лекі ад стрэсаў і стомленасці.

Пачынаецца праект «Жамчужыны Беларусі» з наведвання санаторыя «Сасновы бор», які знаходзіцца за сорак кіламетраў ад Мінска, пад Радашковічамі, на беразе рэчкі Рыбчанкі.

Чым адметны менавіта гэты санаторый, чытайце ў лістападаўскім нумары часопіса «Родная прырода».

Алена Стэльмах

Загаловак у газеце: «Жамчужыны Беларусі»

Каментары

Алене Стельмах. Извините, нет шрифта на матчынай мове. Вы только о здравницах в этом проекте? А агроэкотуризм присутствует или нет, кто его ведет в Звяздце? Я имею знания и опыт на эту тему, могу выслать резюме.

Дадаць каментар

Выбар рэдакцыі

Грамадства

Усё, што трэба ведаць пра замяшчальную гарманальную тэрапію

Усё, што трэба ведаць пра замяшчальную гарманальную тэрапію

Лішняя вага, бяссонніца, прылівы, парушэнні ціску і астэапароз — далёка не ўсе праявы, якія падпільноўваюць жанчыну ў пэўным узросце. 

Спорт

Вячаслаў Грэцкі: Часам называюць мяне Уэйнам

Вячаслаў Грэцкі: Часам называюць мяне Уэйнам

Пра знакамітае прозвішча і сучаснасць беларускага хакея.

Эканоміка

Ці можна кіраваць попытам спажыўцоў?

Ці можна кіраваць попытам спажыўцоў?

Ад спантаннай пакупкі са «зніжкай па-беларуску» можна не толькі не атрымаць якой-небудзь эканоміі, але і пераплаціць за яе.

Культура

У Мінск прыедуць «Іліяда» на папірусе і найстаражытнейшыя фрагменты Бібліі

У Мінск прыедуць «Іліяда» на папірусе і найстаражытнейшыя фрагменты Бібліі

Выстаўка адкрываецца ў Нацыянальнай бібліятэцы Беларусі.