Скарыстаўшыся тым, што вадзiцель маршрутнага таксi выйшаў у дыспетчарскую, пасажыр з пярэдняга сядзення перасеў на вадзiцельскае крэсла i завёў матор. Iнцыдэнт адбыўся на аўтавакзале ў Кобрыне. У маршрутцы знаходзiлiся пасажыры. Дзяўчына, што таксама сядзела спераду, паспела выскачыць з мiкрааўтобуса i стала клiкаць на дапамогу.
Угоншчык тым часам пачаў рухацца на машыне па тэрыторыi аўтавакзала. Спынiць зламыснiка ўдалося з дапамогай пасажыраў, адзiн з iх змог дастаць ключ з замка запальвання, якi неабачлiва пакiнуў там вадзiцель.
Супрацоўнiкi мiлiцыi, што прыбылi на месца, затрымалi 41-гадовага брастаўчанiна — паведамiлi ў Брэсцкiм абласным упраўленнi СК. У дачыненнi да затрыманага прызначана судова-псiхiятрычная экспертыза.
Святлана ЯСКЕВIЧ
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».