Вы тут

Рэгістрацыя шлюбу ў памятным месцы — платная паслуга


Урад пашырыў пералік дадатковых платных паслуг, што аказваюцца органамі, якія рэгіструюць акты грамадзянскага стану. Гэта прадугледжана пастановай Савета Міністраў ад 15 кастрычніка 2016 года №826. Яна ўступае ў сілу з 1 студзеня наступнага года.


Гэтыя платныя паслугі аказваюцца аддзеламі запісу актаў грамадзянскага стану раённых, гарадскіх выканаўчых камітэтаў і мясцовых адміністрацый раёнаў у гарадах, Дамамі (Палацамі) грамадзянскіх абрадаў гарадскіх выканаўчых камітэтаў, пасялковымі і сельскімі выканаўчымі і распарадчымі органамі, консульскімі ўстановамі, а таксама дыпламатычнымі прадстаўніцтвамі Беларусі ў выпадку выканання імі консульскіх функцый.

Пастанова дэталізуе парадак аказання паслуг урачыстай абстаноўкі рэгістрацыі заключэння шлюбу або рэгістрацыі нараджэння. Рэгістрацыю шлюбу можна правесці па індывідуальным сцэнарыі з выкарыстаннем розных элементаў і атрыбутаў па-за памяшканнем загса. Месцам цырымоніі могуць быць памяшканні ўстаноў культуры, памяшканні, размешчаныя ў гістарычных і памятных месцах, тэрыторыя аб'ектаў, якія з'яўляюцца помнікамі гісторыі ці архітэктуры, архітэктурныя ансамблі, бальніцы, уласнае месца пражывання і інш.

Дадаткова замацавана магчымасць загсаў праводзіць цырымоніі, прысвечаныя памятным датам шлюбнага жыцця («сярэбранае» вяселле, «залатое» вяселле і інш.). Мясцовым Саветам дэпутатаў рэкамендавана пры неабходнасці накіроўваць грошы, атрыманыя ад аказання дадатковых платных паслуг органамі загса, на ўмацаванне іх матэрыяльна-тэхнічнай базы.

Сяргей РАСОЛЬКА

rs@zviazda.by

Фота Анатоля КЛЕШЧУКА

Загаловак у газеце: Рэгістрацыя шлюбу ў памятным месцы?

Выбар рэдакцыі

Эканоміка

У Брэсцкай вобласцi першымi ўкаранiлi практыку выязных прыёмаў дзяржрэгiстратараў

У Брэсцкай вобласцi першымi ўкаранiлi практыку выязных прыёмаў дзяржрэгiстратараў

Хто валодае нерухомай маёмасцю альбо ўчасткам зямлi, ведае, як важна мець адпаведныя дакументы на сваю ўласнасць.

Эканоміка

Як генафонд раслін адаптуецца да змен клімату

Як генафонд раслін адаптуецца да змен клімату

Работа па вывучэннi генетычных рэсурсаў раслiн у Беларусi была пачата яшчэ ў 20-я гады мiнулага стагоддзя.

Грамадства

Паэт Iван Юркiн: З жонкай упершыню пацалаваўся ў дзень вяселля 47 год таму

Паэт Iван Юркiн: З жонкай упершыню пацалаваўся ў дзень вяселля 47 год таму

Песнi на вершы Iвана Юркiна карыстаюцца вялiкай папулярнасцю. Хто не ведае гiмна гасцiннасцi нашай краiны — «Прыязджайце да нас у Беларусь»? Вось таму было цiкава пазнаёмiцца з музай паэта — яго жонкай Надзеяй Iванаўнай.