Баевікі экстрэмісцкай групоўкі "Ісламская дзяржава" атакавалі ўрадавыя ўстановы ў горадзе Кіркук на поўначы Ірака. Ахвярамі нападу сталі па меншай меры шэсць паліцэйскіх і 16 мірных жыхароў.
Самі баевікі страцілі забітымі не менш за 12 чалавек.
Напад быў здзейснены ў пятніцу на досвітку. Падкантрольныя ісламістам СМІ сцвярджаюць, што баевікі захапілі гарадскую адміністрацыю Кіркук і гасцініцу ў цэнтры горада, але ўлады горада гэта адмаўляюць.
Па дадзеных уладаў, нападу падверглася электрастанцыя, якая будуецца побач з горадам, дзе і загінулі 16 мірных грамадзян. Некаторыя з іх былі іранцамі, бо будаўніцтвам станцыі кіруе іранская кампанія.
У самім горадзе ісламісты, па дадзеных уладаў, выбралі сваімі мэтамі органы дзяржаўнай улады і паліцэйскія ўчасткі. Смяротнікі здзейснілі самападрывы побач з трыма паліцэйскімі ўчасткамі і офісам палітычнай партыі.
У Кіркуку ўведзены рэжым надзвычайнага становішча. Па сведчаннях відавочцаў, з некаторых раёнаў горада да гэтага часу чутная страляніна, а па вуліцах свабодна ходзяць баевікі.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
