Рэктар Беларускага дзяржаўнага педагагічнага ўніверсітэта імя М.Танка Аляксандр Жук абраны віцэ-прэзідэнтам Асацыяцыі рэктараў педагагічных універсітэтаў Еўропы.
На пленарным пасяджэнні асацыяцыі, якое праходзіла ў Нацыянальным педагагічным універсітэце імя М.П.Драгаманава (Кіеў), Аляксандр Жук выступіў з дакладам па пытаннях падрыхтоўкі магістраў педагагічнай адукацыі ў сацыякультурнай прасторы Еўропы.
Членамі Асацыяцыі рэктараў педагагічных універсітэтаў Еўропы з'яўляюцца кіраўнікі ВНУ Арменіі, Беларусі, Балгарыі, Германіі, Грузіі, Літвы, Македоніі, Малдовы, Польшчы, Расіі, Украіны і Чэхіі.
Дзейнасць асацыяцыі накіравана на развіццё педагагічнай адукацыі, якая б адпавядала міжнародным стандартам і гарантавала ператварэнне педагагічных універсітэтаў у вядучыя навуковыя і культурна-асветніцкія цэнтры Еўропы. Сярод іншых мэтаў — садзейнічанне прыцягненню фінансавых і матэрыяльных рэсурсаў дзяржорганаў, грамадскіх арганізацый, акадэмій навук, дзяржаўных прадпрыемстваў і прыватных фірмаў для развіцця сістэмы падрыхтоўкі навукова-педагагічных кадраў, а таксама ўстанаўленне і ўмацаванне міжнародных сувязяў паміж установамі вышэйшай педагагічнай адукацыі ў Еўропе.
Надзея НІКАЛАЕВА
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.
