Вы тут

2 рабочыя загінулі пры выкананні будаўнічых работ на "Беларуськаліі"


Упраўленнем Следчага камітэта па Мінскай вобласці высвятляюцца абставіны здарэння ў ААТ "Беларуськалій", дзе пры выкананні будаўнічых работ загінулі два чалавекі, яшчэ двое атрымалі траўмы, паведаміла афіцыйны прадстаўнік УСК па Мінскай вобласці Таццяна Беланог.


"Паведамленне аб здарэнні на тэрыторыі ААТ "Беларуськалій" у Салігорску паступіла раніцай 26 кастрычніка. Следствам устаноўлена, што шэсць мужчын, работнікі падраднай арганізацыі, знаходзячыся ў будаўнічай люльцы пры ўздыме да месца выканання дахавых работ на адным з прамысловых складоў на тэрыторыі "Беларуськалія", упалі з вышыні. У выніку на месцы ад атрыманых траўмаў адзін работнік загінуў, трое пацярпелых былі шпіталізаваны, дзе адзін з іх памёр у бальніцы. Па папярэдніх дадзеных, прычынай падзення люлькі стаў абрыў троса ", - адзначылі ў Следчым камітэце.

Салігорскі аддзел Следчага камітэта завёў крымінальную справу па факце парушэння правілаў бяспекі будаўнічых работ, што пацягнула па неасцярожнасці смерць дзвюх асоб (ч.2 ст.303 КК).

БЕЛТА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».