Вы тут

Лічылкі



Кацілася торба

З высокага горба,

А ў той торбе

Хлеб, пшаніца.

З кім жадаеш

Ты дзяліцца?


☺☺☺

Раз, два, тры, чатыры,

Кошку грамаце вучылі:

Не чытаць, не пісаць,

А за мышкамі скакаць.


☺☺☺

Хадзіў буська па балоту,

Ён шукаў сабе работу.

Шукаў, шукаў,

не знайшоў

I заплакаў дый пайшоў.


☺☺☺

Раз, два, тры, чатыры —

Зайчык вушы

натапырыў.

Ідзе з лесу воўк, воўк

І зубамі: шчоўк, шчоўк.

Мы схаваемся ў кусты:

Зайка, я, і ты, і ты.

Ты ж, ваўчына, пачакай,

Як схаваемся — шукай. 

 (Васіль Вітка).


☺☺☺

Верш, дзе ўсё наадварот

Граблі сенам дзед грабе,

А трава кароў скубе,

З-пад сабакі брэша плот,

На гурках расце гарод.

Парсючка фасоля

зрыла,

Хмарку сонейка

закрыла,

Праз раўчук асфальт

пацёк…

Кот ад мышкі

ледзь уцёк!

Лапку поўсткай расчасаў

І для дзетак напісаў

Верш,

дзе ўсё наадварот…

Падпісаўся:

Вот-Куркот.

(Генадзь Аўласенка)

Выбар рэдакцыі

Культура

Франтавiк Мiхаiл Чэпiк эксперыментаваў з аэражывапiсам

Франтавiк Мiхаiл Чэпiк эксперыментаваў з аэражывапiсам

Як хлапчук з беларускай глыбiнкi здолеў паступiць у Маскоўскае мастацкае вучылiшча iмя Калiнiна?

Грамадства

Заразіцца прафесіяналізмам. Чаму трапіць на неканферэнцыю настаўнікаў EdCamp лічыцца вялікай удачай?

Заразіцца прафесіяналізмам. Чаму трапіць на неканферэнцыю настаўнікаў EdCamp лічыцца вялікай удачай?

Чацвёртая педагагічная неканферэнцыя прайшла ў мінулыя выхадныя з нязменным аншлагам і сабрала больш як тры сотні педагогаў з розных куткоў нашай краіны.

Спорт

Марына Літвінчук: Нашы дзеці будуць лепшыя, чым мы

Марына Літвінчук: Нашы дзеці будуць лепшыя, чым мы

Да старту Алімпійскіх гульняў у Токіа засталося менш за год. Увага да галоўных стартаў ужо пяцігодкі будзе каласальная.