Вы тут

Пачаты адбор прэтэндэнтаў на Нацыянальную музычную прэмію "Ліра"


Пачаты адбор прэтэндэнтаў на Нацыянальную музычную прэмію ў галіне папулярнай музыкі "Ліра", паведамілі ў Міністэрстве культуры Беларусі.


Фота: allwallpaper.in

Рэспубліканскі конкурс праводзіцца з кастрычніка гэтага года па студзень 2017 года.

Творчае спаборніцтва праходзіць адзін раз у два гады па 12 намінацыях. Намінацыі, пераможцаў у якіх вызначае журы на аснове прапаноў адборачнай камісіі, улічваючы вынікі інтэрактыўнага інтэрнэт-галасавання гледачоў: "Лепшы выканаўца" (жаночы вакал), "Лепшы выканаўца" (мужчынскі вакал), "Лепшы калектыў выканаўцаў", "Лепшая песня на беларускай мове", "Лепшая песня года", "Лепшы кліп года". Намінацыі, пераможцаў у якіх вызначае журы па прапановах адборачнай камісіі: "Лепшы аўтар музыкі", "Лепшы аўтар слоў", "Лепшы аранжыроўшчык". Намінацыі, пераможцаў у якіх вызначаюць арганізатары конкурсу па прапановах журы: "Адкрыццё года", "Стыль года", "Нашы за мяжой".

Удзельнічаць у конкурсе могуць аўтары, выканаўцы, аранжыроўшчыкі, рэжысёры - грамадзяне Беларусі і замежныя грамадзяне, якія пастаянна пражываюць у краіне, і асобы без грамадзянства; калектывы мастацкай творчасці, не менш за 80 працэнтаў складу якіх - грамадзяне Беларусі і грамадзяне, якія пастаянна пражываюць у краіне.

На конкурсе разглядаюцца песні і відэакліпы, распаўсюджаныя праз інтэрнэт, перададзеныя ў радыё- або тэлевізійны эфір, выкананыя публічна ў перыяд са студзеня па снежань 2016 года.

Конкурс па намінацыях, пераможцаў у якіх вызначае журы, грунтуючыся на прапановах адборачнай камісіі і з улікам вынікаў інтэрнэт-галасавання гледачоў, і па намінацыях, пераможцаў у якіх называе журы па прапановах адборачнай камісіі, праводзіцца ў тры этапы.

На першым этапе тэлеканал АНТ прадстаўляе звесткі аб рэйтынгах папулярнасці песень і відэакліпаў у сродках масавай інфармацыі ў дырэкцыю конкурсу. Адборачная камісія з кастрычніка праводзіць маніторынг звестак аб рэйтынгах папулярнасці песень і відэакліпаў і вызначае абагульненыя рэйтынгі іх папулярнасці ў СМІ.

Абагульненыя рэйтынгі папулярнасці песень і відэакліпаў па намінацыях "Лепшы выканаўца" (жаночы вакал), "Лепшы выканаўца" (мужчынскі вакал), "Лепшы калектыў выканаўцаў", "Лепшая песня на беларускай мове", "Лепшая песня года", "Лепшы кліп года" з кастрычніка размяшчаюцца на сайце АНТ для арганізацыі інтэрактыўнага інтэрнэт-галасавання гледачоў.

На падставе абагульненых рэйтынгаў папулярнасці песень і відэакліпаў па намінацыях "Лепшы аўтар музыкі", "Лепшы аўтар слоў", "Лепшы аранжыроўшчык" адборачная камісія вызначае кандыдатуры для ўдзелу ў другім этапе конкурсу і прадстаўляе іх у дырэкцыю конкурсу. На другім этапе творчага спаборніцтва фарміруецца журы з прадстаўнікоў сферы культуры і мастацтва. Суддзі вызначаюць не менш як тры прэтэндэнты на перамогу ў кожнай з названых намінацый.

Прапановы па прэтэндэнтах на перамогу па намінацыях "Адкрыццё года", "Стыль года", "Нашы за мяжой" фарміруе журы конкурсу. 

Прафесійная судзейская калегія мае права вызначыць у адной намінацыі двух пераможцаў або не вызначаць іх у якой-небудзь намінацыі конкурсу. На трэцім этапе журы вызначае лепшых з выкарыстаннем камп'ютарных тэхналогій у час гала-канцэрта. Падагульняючы канцэрт пройдзе ў студзені 2017 года. Кожны пераможца атрымлівае прыз, які з'яўляецца сімвалам конкурсу, дыплом лаўрэата і грашовую прэмію ў памеры 77 базавых велічынь. Памер прэмій можа быць павялічаны за кошт пазабюджэтных сродкаў. Пры вызначэнні двух пераможцаў у адной намінацыі конкурсу ўзнагароджанне дзеліцца паміж імі.

У намінацыях "Лепшая песня года", "Лепшая песня на беларускай мове", "Лепшы кліп года" могуць узнагароджвацца аўтар музыкі, аўтар слоў, аранжыроўшчык, выканаўца і рэжысёр. Грашовая прэмія ў гэтым выпадку дзеліцца паміж імі. У поле зроку арганізацыйнага камітэта трапяць і асобныя творчыя работнікі, якія ўнеслі значны ўклад у развіццё эстраднага музычнага мастацтва Беларусі, і асобы, якія аказваюць спонсарскую дапамогу, робяць ахвяраванні на развіццё музычнага эстраднага мастацтва. Для іх таксама рыхтуюцца прызы.

Арганізатарамі конкурсу з'яўляюцца Міністэрства культуры Беларусі, ЗАТ "Другі нацыянальны тэлеканал".

БЕЛТА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».