У сучаснікаў модна прыгадваць, як было даўней, у мінулым стагоддзі, і як стала пасля распаду «адзінага, магутнага, непарушнага». Колькі «дзідаў» пераламана ў спрэчках аб тым, што мы набылі, а што страцілі, — не злічыць! А пакуль людзі спрачаюцца, час няўмольна ідзе — і вось ужо стала дарослым пакаленне, якое наогул ні дня не пражыло ў СССР і ведае пра «дружбу народаў» хіба што па кніжках, фільмах і ўспамінах бацькоў.
Які шлях развіцця абралі колішнія сацыялістычныя рэспублікі — цяперашнія незалежныя дзяржавы, аб чым хвалююцца і пра што мараць нашы былыя суайчыннікі? Адказ на гэтыя пытанні паспрабавалі знайсці на тэлеканале АНТ. У выніку атрымаўся 15-серыйны дакументальны фільм «25 год пасля СССР». Здымачная група з вядучым Тэнгізам Думбадзэ пабывала ў кожнай з былых саюзных рэспублік, каб найбольш поўна адлюстраваць карціну іх сучаснага жыцця, а таксама паспрабаваць «адрадзіць атмасферу сяброўства і ўзаемаразумення розных нацыянальнасцяў і культур». Тэлевізійная экскурсія ў СССР чакае наведвальнікаў увечары па аўторках і серадах, пачынаючы з 1 лістапада.
Вiкторыя ЗАХАРАВА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
