Папулярны рок-гурт «J:Морс» прадставіць 5 лістапада ў Мінску супольную праграму «Беларускае золата» з Прэзідэнцкім аркестрам Рэспублікі Беларусь.
Песня, якая дала назву гэтаму канцэрту, была запісана ў 2007 годзе для беларускамоўнага альбома «Адлегласць» і стала адной з найбольш улюбёных прыхільнікамі кампазіцый. Амаль праз 10 гадоў музыкі знялі на песню кліп, а таксама запісалі сімфанічную аранжыроўку — зрэшты, як і яшчэ для двух дзясяткаў песень, якія трапілі ў праграму. «Гэта наш першы досвед работы з вялікім аркестрам, — прызнаўся саліст гурта Уладзімір Пугач, — і тое, што атрымалася, стала для нас прыемным сюрпрызам. Удалося паглядзець на нашы песні трохі збоку, пачуць іх інакш».
Дарэчы, паралельна з падрыхтоўкай да адмысловага рок-сімфанічнага канцэрта, які адбудзецца ў Палацы Рэспублікі, гурт выправіўся ў першы за 5 гадоў паўнавартасны тур па Беларусі. «J:Морс» ужо выступіў у Маладзечне, Гомелі і Наваполацку, на чарзе — Віцебск, Магілёў, Орша, Брэст, Гродна і Рэчыца, у графіку магчымы таксама дапаўненні.
Вікторыя ЦЕЛЯШУК
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
