БРСМ абвясціў аб пачатку рэспубліканскай дабрачыннай акцыі «Тыдзень Добрых Спраў»: валанцёры руху «Добрае Сэрца» запланавалі правесці іх за гэты час больш за 450.
Акцыя пройдзе пад дэвізам «Ні дня без Добрай Справы!». У яе ходзе валанцёры «Добрага Сэрца» акажуць адрасную дапамогу ветэранам Вялікай Айчыннай вайны, вязням канцлагераў, воінам-інтэрнацыяналістам, адзінокім і адзінока пражываючым пажылым людзям, а таксама інвалідам І і ІІ групы ў прыбіранні прыдамавых тэрыторый, падрыхтоўцы дамоў і кватэр да зімы.
Напрыклад, валанцёры Дубровенскай раённай арганізацыі БРСМ наведаюць з добрай місіяй Заслужанага настаўніка БССР, ветэрана працы Вольгу Максімаўну Бабакаву, Жлобінскага раённага камітэта БРСМ — інваліда Вялікай Айчыннай вайны, ветэрана працы, Заслужанага хірурга Рэспублікі Беларусь Аляксандра Цярэнцьевіча Татарынава і акажуць гэтым паважаным людзям неабходную дапамогу па гаспадарцы.
Па-за ўвагай добраахвотнікаў БРСМ не застануцца і ўстановы сацыяльнага тыпу. Маладзёжны працоўны дэсант Лідскай раённай арганізацыі БРСМ на працягу тыдня зоймецца добраўпарадкаваннем аддзялення кругласутачнага знаходжання для грамадзян пажылога ўзросту і інвалідаў, а Бабруйскай гарадской арганізацыі БРСМ — тэрыторыі міжраённага анкалагічнага дыспансера.
Сяргей РАСОЛЬКА
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
