Даўно марыў паглядзець магілы нашых выбітных землякоў Тадэвуша Касцюшкі і Адама Міцкевіча. Напярэдадні Дзён усіх святых пашчасціла наведаць старажытны Кракаў. Славутыя ліцвіны пахаваны ў кракаўскім замку Вавель, сярод каралеўскіх асоб.
Перад велічнымі мармуровымі надмагіллямі адчуваецца гонар за сваю зямлю - Беларусь, якая дала свету гэтых вялікіх людзей. Легендарны военачальнік, лідар нацыянальна-вызваленчага паўстання 1794 года Касцюшка паходзіць з засценка Мерачоўшчына, які месціцца паблізу Івацэвічаў. А паэт-рамантык, публіцыст і палітычны дзеяч Міцкевіч нарадзіўся паміж Навагрудкам і Баранавічамі, у фальварку Завоссе.
Для жыхароў нашай Бацькаўшчыны і Мерачоўшчына, і Завоссе – несумненна, аднолькава святыя мясціны. Як, зрэшты, і гэтыя журботныя скляпенні на гары Вавель, у якіх знайшлі свой апошні прыстанак сыны Беларусі.
Велічныя помнікі Тадэвушу Касцюшку і Адаму Міцкевічу сталі неад’емнай часткай архітэктурных ансамбляў Кракава. Болей за сто гадоў яны ўпрыгожваюць фасад замка на гары Вавель і галоўную турыстычную меку горада - Рынкавую плошчу.
Анатоль Кляшчук, фота аўтара.
Польшча, Кракаў.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.