Вы тут

14 лістапада адкрыецца выстава "Амаж Брынкушу"


14 лістапада 2016 года ў 17.00 у Мастацкай галерэі Міхаіла Савіцкага адбудзецца адкрыццё румынска-беларускай выстаўкі скульптуры, жывапісу, графікі і фотаздымка «Амаж Брынкушу», арганізаванай Пасольствам Румыніі ў Рэспубліцы Беларусь, Мінскім гарадскім выканаўчым камітэтам, Музеем гісторыі горада Мінска, Мэрыяй горада Тыргу Жыу (Румынія), Цэнтрам даследаванняў, дакументацыі і развіцця «Канстанцін Брынкуш», Беларускай дзяржаўнай акадэміяй мастацтваў.

У вернісажы выстаўкі прыме ўдзел дэлегацыя з г. Тыргу Жыу, які называюць “горадам Брынкуша”.


Выстаўка прысвечана 140-годдзю з дня нараджэння сусветна вядомага скульптара румынскага паходжання Канстанціна Брынкуша (1876–1957). Канстанцін Брынкуш з’яўляецца адным з самых уплывовых скульптараў XX стагоддзя, а таксама лічыцца заснавальнікам абстрактнай скульптуры.

У межах арт-праекта свае работы прадставяць знакамітыя румынскія скульптары: Улад Чабану, Валер Няг, Іаан Поп-Вярэта, Максім Думітраш, Дaрые Дуп, Іаан Грэку, Міхай Цопеску, Мікалае Флейсіг, Панаіце Кіфу, Некулай Пэдурару, Іанэл Ішток. Беларускі бок прадставяць вядомыя майстры і маладыя таленты: Міхаіл Баразна, Уладзімір Зінкевіч, Юрый Якавенка, Сяргей Ашуха, Фёдар Шурмялёў, Яўген Іваноў.

Надзвычайны і Паўнамоцны Пасол Румыніі ў Рэспубліцы Беларусь Віарэл Машану так вызначае важнасць праекта:

«Арганізуючы гэту выстаўку, мы хацелі не толькі надаць новы імпульс развіццю культурных стасункаў паміж Румыніяй і Беларуссю, але і садзейнічаць двухбаковаму супрацоўніцтву паміж нашымі краінамі, а ў больш шырокім плане, паміж ЕС і Беларуссю».

Куратар выстаўкі ад Беларусі Кацярына Кёнігсберг (Беларусь):

«Авангарднаму мастацтву ХХ стагоддзя, і, у прыватнасці, абстрактнай скульптуры, у якой працаваў Канстанцін Брынкуш, уласціва пераасэнсаванне рэалізму. Паколькі румынскія ўдзельнікі выстаўляюць абстрактную скульптуру, мне падалося цікавым прадставіць пераасэнсаванне рэальнасці ў працах беларускіх аўтараў. Задача куратара – фарміраванне адзінай мастацкай прасторы, дзе кожная праца, хай гэта будзе твор мастака або куратарскі тэкст, будзе дарэчы».

Куратар выставы ад Румыніі Улад Чабану (Румынія):

«Будучы ўніверсальнай мовай, скульптура можа перадаваць спецыфічныя элементы кожнага народа, кожнай ідэнтычнай культуры, узводзячы такім чынам масты разумення».

Партнёры праекта: РВУ «Выдавецкі дом "Звязда"», Белтэлерадыёкампанія, Беларуская дзяржаўная філармонія, гасцініца «Crowne Plaza Minsk», кампанія «ХімМедСінтэз», гасцінічны комплекс «Юбілейны».

14 лістапада 2016 года ў 16.00 у канферэнц-зале Мастацкай галерэі Міхаіла Савіцкага адбудзецца прэс-канферэнцыя з удзелам куратараў выстаўкі, а таксама дэлегацыі з горада Тыргу Жыу (Румынія).

За дадатковай інфармацыяй звяртацца:

Пасольства Румыніі ў Рэспубліцы Беларусь

e-mail: minsk@mae.ro, тэл. (017) 292 73 99

Выстава працуе да 20 лістапада 2016 года.

Адрас: г. Мінск, пл. Свабоды, 15, тэл. (017) 321 24 30

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.