Па словах старшынi Дзяржаўнага камiтэта па стандартызацыi Вiктара Назаранкi, выкарыстанне мiжнародных стандартаў пры вырабе прадукцыi здольна забяспечыць уваход на рынкi краiн блiзкага i далёкага замежжа.
«Сёння ўсе краiны гэта разумеюць. Ва ўсiм свеце сур'ёзна развiваюцца сiстэмы вымярэнняў, выпрабаванняў, эталонныя базы. Кожная дзяржава iмкнецца не адстаць ад iншых канкурэнтаў i атрымаць поспех у навукова-тэхнiчным прагрэсе», — адзначыў Вiктар Назаранка. Так, новая версiя дзяржаўнага стандарту на сiстэмы менеджменту якасцi СТБ ISO 9001-2015, iдэнтычнага мiжнароднаму стандарту, дзейнiчае ў Беларусi ўжо з 1 сакавiка 2016 года. Арганiзацыi краiны павiнны паступова ажыццявiць пераход на новы ўзровень менеджменту якасцi да 15 верасня 2018 года. Такі тэрмiн устаноўлены для ўсiх дзяржаў, якiя ўваходзяць у Мiжнародную арганiзацыю па стандартызацыi (ISO). Пры гэтым асноўны акцэнт для забеспячэння выпуску якаснай i канкурэнтаздольнай прадукцыi, згодна з патрабаваннямi стандарту, зроблены на канцэпцыю аналiзу рызык па ўсiх кiрунках дзейнасцi арганiзацыi, узмацненне ролi лiдарства, пабудову сiстэмы ведаў i ўкаранення iнавацый.
Дырэктар Беларускага дзяржаўнага iнстытута стандартызацыi i сертыфiкацыi Iрына Асмола адзначыла, што комплекс мер для стымулявання ўкаранення ў эканомiку краiны перадавых методык i сучасных мiжнародных сiстэм кiравання якасцю будзе рэалiзаваны ў 2016—2020 гадах. Ён быў распрацаваны і прыняты ў рамках даручэння Прэзiдэнта падчас яго звароту з Пасланнем да беларускага народа i Нацыянальнага сходу. Комплекс мер зацверджаны прэм'ер-мiнiстрам Андрэем Кабяковым.
У адпаведным дакуменце пазначаны дзеяннi i крокi, якiя будуць ажыццяўляцца на ўзроўнi дзяржавы па ўкараненнi тэхналогiй, без якiх немагчыма паспяхова канкурыраваць на сусветным рынку. У яго ўвайшло каля 45 мерапрыемстваў. Шэраг з iх будуць накiраваны на ўкараненне мiжнародных і еўрапейскiх стандартаў пры выпуску прадукцыi. Таксама ў дакуменце ўдзелена асаблiвая ўвага неабходнасцi актыўнага ўдзелу iнжынерна-тэхнiчнага персаналу арганiзацый у самiх працэсах стандартызацыi як на нацыянальным, так i мiжнародным узроўні. Не абмiнулi i стымуляванне ўкаранення ў арганiзацыях рознай формы ўласнасцi перадавых тэхнiк эфектыўнага менеджменту. «Асобна будзе разглядацца пытанне стварэння новага конкурсу ў краiне, прысвечанага якасцi беларускай прадукцыi. Ён будзе незалежным ад вытворцаў i фiнансавацца з дзяржаўнага бюджэту», — дадала Iрына Асмола.
Акрамя таго, намеснiк дырэктара Беларускага дзяржаўнага iнстытута метралогii Мiкалай Бакавец адзначыў, што ў краiне рэалiзуецца дзяржаўная навукова-тэхнiчная праграма «Эталоны Беларусi» на 2016—2020 гады. Яна прадугледжвае распрацоўку больш як 20 эталонаў для развiцця атамнай энергетыкi i звязаных з ёй тэхналогiй, сферы IT, галiн прамысловасцi, будаўнiцтва i сельскай гаспадаркi, геадэзii, абароны ад надзвычайных сiтуацый i iншых, а таксама мадэрнiзацыю 6 наяўных. Цяпер у Беларусi дзейнiчаюць 53 эталоны.
Даведка «Звязды»
Больш за 25 гадоў у другi чацвер лiстапада па iнiцыятыве Еўрапейскай арганiзацыi па якасцi пры падтрымцы ААН адзначаецца Сусветны дзень якасцi. Сёлета ён адзначаецца 10 лiстапада. Таксама з 7 па 13 лiстапада праходзiць Еўрапейскi тыдзень якасцi.
Дзеючая сёння ў краiне нарматыўная тэхнiчная база ахоплiвае практычна ўсе галiны эканомiкi. Сёлета ў Беларусi прынята больш за 1000 дзяржаўных стандартаў (СТБ i ДАСТ). Найбольшая колькасць з iх — у машынабудаваннi, электратэхнiцы, радыёэлектронiцы i сувязi, хiмii i нафтахiмii, будаўнiчай iндустрыi, харчовым сектары. Узровень гарманiзацыi прынятых дзяржаўных стандартаў з мiжнароднымi i еўрапейскiмi патрабаваннямi перавышае 50%. Стандарты такога высокага ўзроўню з'яўляюцца магутнай падтрымкай айчыннай прамысловасцi i бiзнесу ў фармiраваннi стратэгii стварэння новых вiдаў прадукцыi, якая адпавядае сучасным патрабаванням i забяспечвае канкурэнтаздольнасць на глабальным узроўнi.
Iлья КРЫЖЭВIЧ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».