У правінцыі Хэнань знайшлі вялікую грабніцу

Тут адкапалі 400 археалагічных артэфактаў.

Днямі ў вёсцы Січжу раёна Ібінь горада Лаян правінцыі Хэнань была выяўленая вялікая грабніца дынастыі Вэй (220 - 266 г. н.э.). У ёй ужо раскапалі 400 помнікаў матэрыяльнай культуры, паведамляе "Жэньмінь жыбаа" анлайн". 

Зараз археалагічныя работы набліжаюцца да завяршэння. Па меркаванні спецыялістаў, дадзеная грабніца служыла для буйнога пахавання перыяду дынастыі Вэй. Даўжыня грабніцы - 52 м, шырыня - 12 м. У ёй было выяўлена больш за 400 ганчарных, жалезных, медных, драўляных лакавых вырабаў, і некалькі вырабаў з нефрыту.