Вы тут

Капыльскія сыраробы асвоілі новы від прадукцыі


Капыльскі філіял адкрытага акцыянернага таварыства «Слуцкі сыраробны камбінат» у наступным годзе пачне выпускаць сухую дэмінералізаваную малочную сыроватку.


Раней сыроватку наогул вылівалі ў ачышчальныя збудаванні. Цяпер на заводзе наладжана безадходная вытворчасць сыроваткі шляхам яе высушвання. У далейшым тут ставяць задачу па павышэнні яе якасці. У Чэхіі закупляецца абсталяванне, якое дазволіць давесці сыроватку да ступені дэмінералізацыі 80—90%.

Па словах дырэктара філіяла Івана Горбача, ініцыятар праекта коштам 1,26 млн еўра — само прадпрыемства. Крэдытныя рэсурсы для гэтых мэт не прыцягваюцца. За кошт асабістых сродкаў ужо пабудаваны цэх для ўстаноўкі абсталявання: першыя плацяжы ўнесены і ў найбліжэйшай перспектыве яно пачне паступаць на завод. Мантаж абсталявання плануецца завяршыць да канца гэтага года, а выпуск новага віду прадукцыі мяркуецца пачаць у 2017-м.

Такая сыроватка выкарыстоўваецца ў кандытарскай, хлебнай вытворчасці. Яна ў 2-2,5 раза даражэйшая, чым звычайная. І вельмі запатрабаваная на рынку Расійскай Федэрацыі. У перспектыве магчымы пастаўкі новай прадукцыі на рынкі іншых краін Еўразійскага эканамічнага саюза. Як адзначыў Іван Горбач, праект павінен апраўдаць сябе за год-паўтара. Напрыклад, у 2010-м быў адкрыты цэх па вытворчасці сухога абястлушчанага малака і сухой малочнай сыроваткі. Планавалася, што праект акупіцца за чатыры гады. Аднак гэты тэрмін аказаўся амаль удвая меншым.

Таццяна ЛАЗОЎСКАЯ

lazovskaya@zviazda.by

Загаловак у газеце: Безадходная вытворчасць

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».