Вы тут

На паверхні Чырвонай планеты выявілі гладкі металічны метэарыт


Марсаход Curіosіty выявіў на паверхні Чырвонай планеты гладкі і круглявы металічны метэарыт. Звычайныя марсіянскія метэарыты выглядаюць інакш.


Марсіянская навуковая лабараторыя, у лік інструментаў якой уваходзіць марсаход Curіosіty, працуе на Чырвонай планеце з 2012 года. У яе задачу ўваходзіць даследаванне марсіянскіх глеб і кампанентаў атмасферы. За гэты час Curіosіty шмат разоў знаходзіў розныя метэарыты: з-за разрэджанай атмасферы і блізкасці да пояса астэроідаў Марс актыўна прыцягвае гэтыя аб'екты. Некаторыя з іх праляжалі тут мільёны гадоў, не згубіўшы першапачатковы выгляд, паколькі метал на Марсе не акісляецца. Нядаўна знойдзены метэарыт, які атрымаў назву Egg Rock («каменнае яйка»), вылучаецца з агульнага шэрагу сваёй круглаватай формай і бліскучай, быццам бы адшліфаванай паверхняй. Яе перасякае некалькі глыбокіх разор. Нябеснае цела дыяметрам 4 см было знойдзена ў канцы кастрычніка на гары Шарпа.

Па выніках вывучэння здымкаў навукоўцы выказалі здагадку, што Egg Rock складаецца з нікель-жалеза. На Марс ён трапіў з цэнтральнай часткі Пояса астэроідаў у расплаўленым стане, не паспеўшы застыць на момант уваходжання ў марсіянскую атмасферу. Некалькі прарэзаных разор тлумачацца ўплывам атмасферных фактараў на шляху да паверхні планеты.

Іван КУПАРВАС

hvir@zviazda.by

Загаловак у газеце: На Марсе знайшлі металічнае «яйка»

Выбар рэдакцыі

Эканоміка

Прыватны бізнес выбірае Смілавічы

Прыватны бізнес выбірае Смілавічы

У гэтым упэўнілася карэспандэнт, наведаўшы пасёлак.

Грамадства

Карэспандэнты «Звязды» наведалі «Воўчыя норы»

Карэспандэнты «Звязды» наведалі «Воўчыя норы»

Там адбываюць пакаранне мужчыны, упершыню асуджаныя за незаконны абарот наркотыкаў.

Спорт

Аляксандра Герасіменя: У кожнага свой рэцэпт поспеху

Аляксандра Герасіменя: У кожнага свой рэцэпт поспеху

Аляксандра Герасіменя — сапраўдны баец, а яшчэ — клапатлівая маці і жонка. І проста працавіты чалавек, які не ведае перашкод.