Вэб-тэхналогіі дазволяць землеўпарадкавальнай службе ствараць і выкарыстоўваць адзіны банк даных зямельных рэсурсаў.
Аб гэтым карэспандэнту «Звязды» паведамілі ў прэс-службе Дзяржаўнага камітэта па маёмасці. Такім чынам, на публічнай зямельна-інфармацыйнай карце Беларусі ў хуткім часе з'явіцца інфармацыя аб свабодных зямельных участках для будаўніцтва грамадзянамі жылля, свабодных участках у садаводчых таварыствах, а таксама звесткі аб незанятых інвестыцыйных пляцоўках для будаўніцтва вытворчых і іншых аб'ектаў інвестарамі.
Супермагчымасці інфармацыйнай карты адкрыліся дзякуючы ўкараненню новых падсістэм геапартала зямельна-інфармацыйнай сістэмы (ЗІС) Беларусі, распрацоўшчыкам якога з'яўляецца праектны інстытут «Белдзіпразем» Дзяржкаммаёмасці. Кіраўніцтва камітэта адзначае, што дакладная інфармацыя з публічнай карты будзе даступнай усім зацікаўленым асобам. Геапартал ЗІС з'яўляецца сёння геаінфармацыйнай пляцоўкай узаемадзеяння ў сферы зямельных адносін і можа служыць эфектыўным сродкам інфармацыйнага забеспячэння функцый землеўпарадкавальных службаў.
Для найбольш поўнай дэманстрацыі магчымасцяў гэтага электроннага сэрвісу, спецыялісты «Белдзіпразема» сумесна з Дзяржкаммаёмасці па абласцях праводзяць серыю тэматычных семінараў. На адным з іх былі прадэманстраваны новыя падсістэмы геапартала ЗІС. Усе яны працуюць у рэжыме рэальнага часу. Вядзенне такіх падсістэм з выкарыстаннем сучасных ЗІС і вэб-тэхналогій дасць магчымасць ствараць і выкарыстоўваць адзіны банк даных зямельных рэсурсаў землеўпарадкавальнымі службамі, прадпрыемствамі сістэмы Дзяржкаммаёмасці, іншымі зацікаўленымі арганізацыямі і ведамствамі, аўтаматызаваць рабочыя працэсы для выканання такіх функцый на геапартале ЗІС.
Сяргей КУРКАЧ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».