Яшчэ раз узгадаць пра мінулыя Алімпійскія і Параалімпійскія гульні ў Рыа, успомніць смак перамог, а таксама даведацца пра асабістыя церні алімпійскіх прызёраў на шляху да зорак — усё гэта прапануе гледачам тэлеканал «Беларусь 5» у новым цыкле дакументальных фільмаў «Два бакі алімпійскага медаля». Першы фільм выйдзе ў эфір ужо 20 лістапада.
Кожная серыя прысвечана канкрэтнаму спартсмену або камандзе: пра іх расказваюць трэнеры, каментатары, сябры і сваякі, якія бачылі шлях да перамогі, што называецца, «знутры». Сярод герояў фільма, напрыклад, алімпійскі чэмпіён у скачках на батуце Уладзіслаў Ганчароў, сярэбраныя прызёры Алімпіяды-2016 цяжкаатлеты Дар'я Навумава і Вадзім Стральцоў, бронзавая прызёрка Рыа Аляксандра Герасіменя, а таксама сапраўдны герой сёлетняй Параалімпіяды плывец Ігар Бокій, які заваяваў ажно 7 медалёў і паставіў гэтай лічбай своеасаблівы рэкорд. «Усе нашы героі аказаліся вельмі сціплымі людзьмі, якіх не закранула «зорная хвароба», таму і інтэрв'ю з імі атрымаліся шчырымі і адкрытымі», — зазначыла аўтар праекта Улада Сарокіна.
Вікторыя ЗАХАРАВА
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
