25 Верасень, аўторак

Вы тут

У Дзяржынскім раёне паспяхова працуюць школьныя бізнес-кампаніі


Тут дзеці засвойваюць выпуск тавараў, менеджмент і маркетынг у рэальных эканамічных умовах. А падчас асенніх канікул яны ладзяць на мясцовым рынку кірмашы-продажы, дзе прапануюць свае вырабы, сельскагаспадарчую прадукцыю: моркву, бульбу, цыбулю, яблыкі, грушы, вырашчаныя на школьных участках.

Прычым, самі робяць калькуляцыю, устанаўліваюць на іх цэны. І людзі з задавальненнем набываюць дары саду і агарода. Па-першае, яны экалагічна чыстыя, па другое — таннейшыя, чым у крамах. Частка прыбытку ад рэалізацыі прадукцыі ідзе на зарплату юным вытворцам.


Весела і ажыўлена прайшоў і сёлетні кірмаш, у якім удзельнічалі 26 сярэдніх школ, гімназій, вучэбна-вытворчыя камбінаты, Цэнтр творчасці дзяцей і моладзі, эколага-біялагічны Цэнтр.

Вынікі падводзіліся ў канцы дня. Пры гэтым улічваліся не толькі атрыманы прыбытак, але і адзнакі журы за афармленне гандлёвага месца, творчыя прэзентацыі і якасць прадукцыі.

Найбольш за сваю сельгаспрадукцыю на гэты раз выручылі юныя бізнесмены з гімназіі г. Дзяржынска, Чарнікоўшчынскага вучэбна-вытворчага камбіната, якія вырасцілі багаты ўраджай. Тут даволі вялікі прышкольны ўчастак, сад. Дзеці нарыхтавалі дастаткова гародніны і садавіны для сваёй сталовай, а лішкі прадалі. Напрыклад, адгрузілі сёлета грушы і яблыкі гімназіі горада Дзяржынска. Іх прадукцыя на кірмашы разыходзілася як гарачыя піражкі.

Разам з тым, як лічаць педагогі, установы адукацыі — гэта не гандлёвыя прадпрыемствы. Найпершая мэта кірмашу — не прыбытак, а вопыт, які набываюць вучні і які спатрэбіцца ў будучым, дапаможа адкрыць сваю справу, навучыць зарабляць грошы і забяспечваць сябе і свае сем'і ўсім неабходным.

Загаловак у газеце: У бізнес — са школьнай парты

Дадаць каментар

Выбар рэдакцыі

Грамадства

Чым здзівіў сёлета «Кліч Палесся»

Чым здзівіў сёлета «Кліч Палесся»

Этнафэст стаў вядомым далёка за межамі Беларусі. 

Спорт

Цырымонія развітання з Анатолем Капскім прайшла ў «Барысаў-Арэне»

Цырымонія развітання з Анатолем Капскім прайшла ў «Барысаў-Арэне»

Грамадзянская паніхіда працягвалася больш за дзве гадзіны ў "Барысаў-Арэне".

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.