Вы тут

Тры чалавекі патанулі з-за слабага лёду


Нядзеля стала апошнім днём у жыцці бацькі і сына з Бабруйскага раёна і пенсіянера з Чавусаў.


Як нам паведамілі ў Магілёўскім абласным савеце таварыства выратавання на водах, бацька з 34-гадовым сынам патанулі на возеры Тарасава паблізу ад вёскі Дубаўка Бабруйскага раёна. Пра няшчасны выпадак паведаміў знаёмы маладога чалавека, які прыехаў пазней. Тое, што здарылася бяда, ён зразумеў, калі патэлефанаваў сябру. Яго тэлефон адазваўся з курткі, якая ляжала на лёдзе. Целы патанулых паднялі ратавальнікі 4-й пажарна-аварыйнай часці Бабруйска дзесьці бліжэй да вечара. Шанцаў выжыць у мужчын не было, бо ніякіх спецыяльных сродкаў для выратавання яны з сабой не прыхапілі.

Да няшчаснага выпадку ў Чавусах таксама прывяло грэбаванне правіламі асабістай бяспекі. Трывогу па рыбаку забіла жонка, калі не змагла звязацца з мужам па тэлефоне. Патанулага знайшлі на дне кар'ера непадалёк ад палонкі, якую ён прабіў за сем метраў ад берага. Усе акалічнасці гібелі людзей высвятляюць следчыя.

А двум рыбакам, якія трапілі пад лёд на Цяцерынскім вадасховішчы каля вёскі Улужжа Круглянскага раёна, пашчасціла. Іх выратавалі супрацоўнікі МНС. З дыягназам «агульнае пераахаладжэнне» яны былі шпіталізаваны. Ёсць спадзяванне, што пацярпелыя зробяць для сябе правільныя высновы. Але, на жаль, гэта «хвароба» заразлівая. У мінулыя выхадныя аматараў экстрэмальнай рыбалкі можна было назіраць на затоцы ракі Днепр па вуліцы Фаціна. На заклікі ратавальнікаў быць разважлівымі падчас рыбнай лоўлі гэтыя фанаты не рэагуюць.

Нэлі ЗІГУЛЯ

zigulya@zviazda.by

Загаловак у газеце: Ахвяры халоднай рыбалкі

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».