У сталіцы знойдзены боепрыпасы часоў Вялікай Айчыннай вайны

Пры правядзенні будаўнічых работ па вуліцы Будслаўскай у сталіцы на пляцоўцы былі знойдзены боепрыпасы часоў Вялікай Айчыннай вайны.

— Па ўказаным адрасе прыбыла следча-апертыўная група, супрацоўнікі аддзела дэпартамента аховы для ачаплення ўчастка мясцовасці, супрацоўнікі АДАІ — для перакрыцця праезнай часткі вуліцы, — расказала прэс-афіцэр Цэнтральнага РУУС г. Мінска Таццяна Абозная. — На месца таксама прыбыла сапёрна-піратэхнічная служба в/ч 5448 унутраных войскаў МУС. Яе вайскоўцы выявілі чатыры артылерыйскія снарады калібру 76 міліметраў з узрывальнікамі. Боепрыпасы вывезлі на палігон і знішчылі.

Сяргей РАСОЛЬКА