Вы тут

У Брэсце паштальён Печкін запрасіў вучняў у кінатэатр


Свой шлях да кожнага кліента брэсцкія паштавікі пачалі з самых маленькіх. Вучняў пачатковых класаў у кінатэатр «Беларусь» запрасіў самы сапраўдны паштальён Печкін — усім вядомы мультыплікацыйны персанаж з цяжкай сумкай на плячы і нязменным веласіпедам.


Ад сустрэчы з вусатым паштальёнам малыя былі ў захапленні. Яны скакалі вакол яго, тузалі за рукаў, кожны стараўся дакрануцца да Печкіна, нешта спытаць у яго. «Так паступова ад вясёлай гульні-забаўлянкі ў фае перайшлі да гульні пазнавальнай у зале», — расказала пра мерапрыемства начальнік камерцыйнага аддзела Брэсцкага філіяла РУП «Белпошта» Кацярына КОЗЕЛ.

Школьнікаў запрасілі паўдзельнічаць у віктарыне, а заадно расказалі ім, якія магчымасці ў камунікацыях дае сёння чалавеку пошта. Вядучыя спачатку высветлілі, што дзеці ведаюць аб парадку адпраўкі пісьма альбо паштоўкі. І ў гульнявой форме пастараліся іх навучыць, як правільна запоўніць канверт, напісаць адрас, падпісаць паштоўку. Дарэчы, на пытанне, што рабіць з гатовым пісьмом, не ўсе адразу і ўпэўнена ўказалі на паштовую скрыню. Апошняе сведчыць аб тым, што пакаленне гаджэтаў і планшэтаў не вельмі добра арыентуецца ў сучасных магчымасцях пошты.

Пра кірункі развіцця паштовай сувязі школьнікам таксама расказвалі і на прыкладзе посткросінгу. Ён, як вядома, дае магчымасці абменьвацца тэматычнымі паштоўкамі з карыстальнікамі ўсяго свету. За правільныя адказы ўдзельнікі віктарыны атрымлівалі ў падарунак дзіцячыя часопісы. А самым юным кліентам расказвалі, як можна аформіць падпіску, каб цікавыя і маляўнічыя выданні прыходзілі ў дом рэгулярна.

Кацярына Аляксееўна лічыць, што свята ўдалося, вучні атрымалі задавальненне і патрэбную інфармацыю. А дарослыя прыйшлі да высновы аб неабходнасці пастаяннай работы з юнай аўдыторыяй. Для дзяцей карысна вучыцца пісаць на паштоўках, выказваць свае думкі і пачуцці з дапамогай літар і слоў. Важна данесці да іх, як прыемна атрымліваць такое пасланне: цяпло душы, перададзенае паперы падчас пісання, не заменіць ніякая электроніка.

Святлана ЯСКЕВІЧ

yackevich@zviazda.by

Загаловак у газеце: У гасцях у Печкіна

Выбар рэдакцыі

Грамадства

Як выхаваць даследчыка за школьнай партай?

Як выхаваць даследчыка за школьнай партай?

Чаму ўсе краіны, якія развіваюць інавацыйную эканоміку, робяць сёння стаўку на STЕM? 

Палітыка

Аляксандр Лукашэнка сустрэўся з прадстаўнікамі СМІ Расіі

Аляксандр Лукашэнка сустрэўся з прадстаўнікамі СМІ Расіі

Некалькі рэчаў сёлета адбываюцца ўпершыню.

Грамадства

Ці набудуць у гаспадароў старыя хаты?

Ці набудуць у гаспадароў старыя хаты?

Адэльскі сельскі савет, што ў Гродзенскім раёне, можна назваць брамай у Еўрасаюз.