Вы тут

Беларускі гурт зняў самы дарагі кліп у гісторыі айчыннай музыкі


Калектыў «Без білета», які перажывае цяпер чарговы ўсплёск папулярнасці ў сувязі з удзелам у тэлепраекце «Беларусь без межаў», прэзентаваў новы кліп на песню «Адрас — планета Зямля». Адметнасць яго ў тым, што гэта музычнае відэа знята на чатырох кантынентах, ва ўсіх геаграфічных пунктах, што згадваюцца ў песні. Так, падчас кругасветнага падарожжа ўдзельнікі гурта пабывалі ў Рыа-дэ-Жанэйра, на востраве Вялікадня, у Гранд-Каньёне і дзясятку іншых знакамітых турыстычных месцаў.


«БЕЗ БІ­ЛЕ­ТА» ў Рыа-дэ-Жа­нэй­ра.

«Адрас — планета Зямля» — гэта асаблівая для нас песня, якая дапамагла здзейсніць мары і прыцягнуць у жыццё прыгоды, — дзеліцца лідар гурта Віталь Артыст. — У нас ужо быў раней камедыйны малабюджэтны кліп на гэту кампазіцыю — пра касмічнае падарожжа ў «запарожцы», але цяпер захацелася ўдыхнуць у песню новае жыццё».

Абноўленую аранжыроўку зрабіў вядомы расійскі хіп-хоп прадзюсар, а ўразлівыя відэакадры, якія здымаліся цягам 40 дзён на розных кантынентах, фактычна падарыла гурту творчая каманда студыі Medіacube Productіon. «З пункту гледжання бюджэту спецыяльна зладзіць здымкі ў такой колькасці месцаў, з такой вялікай групай людзей, з усёй тэхнікай і пераездамі было б па кішэні хіба толькі Майклу Джэксану, — напаўжартам, напаўсур'ёзна сцвярджае рэжысёр відэа Міхаіл Бычанок. — Таму смела можна назваць новы кліп «БЕЗ БІЛЕТА» самым дарагім у гісторыі беларускага шоу-бізнесу. Я веру, яны гэта заслужылі».

Паглядзець кліп і скласці сваё ўражанне аб ім кожны ахвотны ўжо можа на інтэрнэт-канале YouTube.

Вікторыя ЦЕЛЯШУК

Загаловак у газеце: Па кантынентах — без білета

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.