Вы тут

Чаго ў службовым рамане больш: радасці ці смутку?


Адназначны адказ на гэта пытанне даць даволі складана. Некаторыя псіхолагі, напрыклад, лічаць, што «карпаратыўныя раманы» (калі яны працякаюць па ўзаемнай згодзе) могуць павышаць працаздольнасць закаханых і нават натхняць іх на подзвігі. Аказваецца, павышаная колькасць гармонаў шчасця не толькі прымушае іх сэрцы ўзмоцнена біцца, але і значна актывізуе работу галаўнога мозга. А яшчэ — патройвае здольнасць фантазіраваць, што асабліва вітаецца ў творчых калектывах. У выніку самыя цікавыя, арыгінальныя ідэі нараджаюцца менавіта ў закаханых галовах.

Але гэта, як вядома, толькі адзін бок медаля. На другім — самыя разнастайныя стрэсы, зрывы і канфлікты, выкліканыя практычна непазбежным расчараванне у выбранніку (тым больш, калі нехта з закаханых ці абодва ўжо маюць сям'ю).


Сёння «Ева» дзеліцца сваімі парадамі з тымі, хто хоча пазбегнуць наступстваў, якія звычайна выцякаюць з «кубачка кавы»:

  • Звярніце ўвагу на тое, як часта да вас дакранаюцца ваш калега ці начальнік, калі ў гэтым няма неабходнасці. Імкніцеся спыніць падобныя дзеянні, пры гэтым не ўсміхаючыся і не дэманструючы пачуццё гумару.
  • Калі ваш шэф (калега) імкнецца застацца з вамі сам-насам без асаблівай прычыны, скарачайце час знаходжання з ім, выкарыстоўваючы любую нагоду.
  • Не ўдзельнічайце ў размовах, якія маюць непрыкрыты сексуальны характар, спыняйце іх. Легкадумнае стаўленне да такой размовы можа быць успрынята як прыхаванае запрашэнне да больш актыўных дзеянняў.
  • Будзьце асцярожнымі, прымаючы падарункі, знакі ўвагі ад калег ці начальніка — гэта можа стымуляваць фантазію мужчын.
  • Адказвайце «не» на любыя прапановы, як бы лёгка і нязмушана яны ні гучалі. «Сёння пагадзілася разам павячэраць, заўтра пагодзіцца і на большае», — думаюць мужчыны.
  • Каб у дачыненні да вас не ўзнікала двухсэнсоўных сітуацый, трэба быць упэўненай у сабе. Няўпэўненасць, адсутнасць дакладнай пазіцыі ставяць вас у становішча магчымай ахвяры. Дайце дакладна зразумець, што сексуальныя адносіны на рабоце для вас абсалютна выключаны. Аднак гэта не пазбаўляе вас права заставацца прыемнай і прывабнай.
  • І, нарэшце, апошняе. Усе вышэйпералічаныя парады абсалютна бессэнсоўныя, калі вы спіце і бачыце, як ваш калега ці шэф запрашае вас на запаветны «кубачак кавы»...

Ваша Ева

Загаловак у газеце: Рамантыка службовага рамана

Выбар рэдакцыі

Спорт

Як жыве адзіная школа коннага спорту ў Мінскай вобласці

Як жыве адзіная школа коннага спорту ў Мінскай вобласці

Да свайго юбілею школа атрымала выдатны падарунак — капітальны рамонт.

Грамадства

Як перамагчы свае страхі?

Як перамагчы свае страхі?

Наяўнасць страху — з'ява натуральная. Але...

Палітыка

Лукашэнка: Космас — лакмусавая папера, якая дапамагае ацаніць магчымасці і здольнасці дзяржавы

Лукашэнка: Космас — лакмусавая папера, якая дапамагае ацаніць магчымасці і здольнасці дзяржавы

Прэзідэнт Беларусі і дырэктар карпарацыі «Раскосмас» абмяркавалі сумесныя беларуска-расійскія праекты ў касмічнай сферы

Культура

Кастусь Качан: Калі б не стаў мастаком, гэта было б не жыццё, а пакуты

Кастусь Качан: Калі б не стаў мастаком, гэта было б не жыццё, а пакуты

Ён рыхтуецца прадставіць выстаўку ў Нацыянальным мастацкім музеі Беларусі.