Барацьба за тытул «АўтаЛэдзі» ішла на аўтадроме Аб'яднанай тэхнічнай школы «ДТСААФ» №1 Магілёва пяць доўгіх гадзін.
Сем амбіцыйных і чароўных удзельніц рэспубліканскага фіналу конкурсу розныя па прафесіі, але аднолькава ўпэўненыя і мабільныя за кошт свайго аўто, дэманстравалі ўменні ў майстэрстве фігурнага кіравання і практыкаваліся ў творчых паядынках. У выніку пераможцай стала жыхарка Клецка з Мінскай вобласці Алена Пацеліна, на другім месцы — Марыя Лукініч з Оршы Віцебскай вобласці, трэцяй стала Вікторыя Анішчанкава з Круглага Магілёўскай вобласці.
— Гэты конкурс не проста відовішчны. Адзін з яго важных аспектаў — патрыятычнасць. Не выпадкова старт фіналу «АўтаЛэдзі-2016» быў дадзены на Буйніцкім полі, якое стала сімвалам мужнасці і адвагі абаронцаў нашай краіны ў гады Вялікай Айчыннай вайны, — падкрэсліў першы сакратар Магілёўскага абкама БРСМ Павел Алекса.
Мерапрыемства праводзілася па ініцыятыве БРСМ, упраўлення ДАІ МУС Рэспублікі Беларусь пры падтрымцы «Магілёўскага аўтаклуба 4х4», Дзяржаўнага вытворчага аб'яднання «Беларуснафта» і грамадскага аб'яднання «АўтаАмерыка». Конкурс дапамагае павысіць прафесійны ўзровень жанчыны-кіроўцы, яе аўтарытэт як удзельніка дарожнага руху і накіраваны на прафілактыку дарожна-транспартнага траўматызму, — адзначылі арганізатары.
Нэлі ЗІГУЛЯ
Фота БЕЛТА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».