Аляксандр Лукашэнка 28-29 лістапада наведвае Азербайджан

Праграмай візіту прадугледжаны перагаворы кіраўніка дзяржавы з Прэзідэнтам Азербайджана Ільхамам Аліевым у фармаце «сам-насам» і ў пашыраным складзе. Лідары дзвюх краін абмяркуюць стан і перспектывы развіцця беларуска-азербайджанскіх адносін, у тым ліку гандлёва-эканамічнае супрацоўніцтва, работу па кааперацыйных праектах, узаемадзеянне ў сферы інвестыцый, аграпрамысловага комплексу, спорту.

Прэзідэнт Беларусі Аляксандр Лукашэнка прыбыў з афіцыйным візітам у Азербайджан. Самалёт кіраўніка дзяржавы прызямліўся ў Бакінскім міжнародным аэрапорце імя Гейдара Аліева.

Прэзідэнта ў аэрапорце сустрэлі першы намеснік прэм'ер-міністра Азербайджана Ягуб Эюбаў і намеснік міністра замежных спраў Халаф Халафаў.

Плануецца, што сёння Аляксандр Лукашэнка правядзе перагаворы з Прэзідэнтам Азербайджана Ільхамам Аліевым у фармаце сам-насам і ў пашыраным складзе. Лідары дзвюх краін абмяркуюць стан і перспектывы развіцця беларуска-азербайджанскіх адносін, у тым ліку гандлёва-эканамічнае супрацоўніцтва, работу па кааперацыйных праектах, узаемадзеянне ў сферы інвестыцый, аграпрамысловага комплексу і спорту.

Па выніках перагавораў чакаецца падпісанне шэрага міжнародных дакументаў.

БЕЛТА

* * *

Напярэдадні візіту кіраўнік нашай дзяржавы даў інтэрв'ю інфармацыйнаму агенцтву Trеnd, у якім абазначыў асноўныя прыярытэты двухбаковых адносін. «Мы гатовы актыўна ўдзельнічаць у праектах, якія выходзяць за рамкі звычайнага гандлю. Гэта стварэнне сумесных вытворчасцей у розных сферах эканомікі на аснове інавацыйных ідэй, інтэнсіфікацыя супрацоўніцтва ў галіне сельскай гаспадаркі, вытворчасці спажывецкіх тавараў, транспарту, развіцця інфармацыйных тэхналогій», — заявіў беларускі лідар. Перапрацоўка азербайджанскай нафты на беларускіх заводах уяўляе вялікі інтарэс, адзначыў Прэзідэнт.

На пытанне наконт нагорна-карабахскага канфлікту Аляксандр Лукашэнка заявіў, што беларуская пазіцыя застаецца нязменнай: праблема можа быць вырашана выключна за сталом перагавораў і ў адпаведнасці з прынцыпамі міжнароднага права. «Беларусь гатова аказаць неабходнае садзейнічанне бакам у пошуку мірнага выхаду з гэтага канфлікту. Мы зыходзім з таго, што няма для людзей большай каштоўнасці, чым мір і спакой на роднай зямлі», — адзначыў кіраўнік дзяржавы.