З 8 па 28 лістапада дзіцячы аздараўленчы цэнтр “Лідар” прымаў змену па бяспецы дарожнага руху “Галоўная дарога”, якую арганізавалі ДАІ Мінска і цэнтр “Бяспечнае дзяцінства” Мінскага дзяржаўнага палаца дзяцей і моладзі.
Дасканала вывучыць і навучыцца выконваць правілы дарожнага руху, паспрабаваць сябе ў ролі рэгуліроўшчыка, разведаць усе сакрэты працы ДАІ і дапамагчы з усімі гэтымі справамі астатнім — вось што маглі здзейсніць школьнікі з дапамогай майстар-класаў, віктарын і дыскусій аб бяспецы на дарозе.
Усё гэта, безумоўна, важна і карысна, але вастрыні пачуццям і актуальнасці ведам надаваў дух спаборніцтва, што панаваў падчас змены. 22 лістапада каманды з кожнага раёна сталіцы паўдзельнічалі ў конкурсе “Скрыжаванне”: тэарэтычныя веды паказалі на “Іспыце на веданне ПДР”, а практычныя — у сюжэтна-ролевай гульні “На дарозе”. Падарункі ад часопіса “Бярозка” атрымалі Дар’я Цалко (Першамайскі р-н), Арцём Ваўчок (Савецкі р-н), Уладзіслаў Коўкін (Маскоўскі р-н). У камандным конкурсе першае месца заняў Маскоўскі раён, на другім апынуўся Савецкі, а трэцяе дасталася Кастрычніцкаму.
Кацярына Захарэвіч
Фотаздымкі: сайт gaiminsk.by/
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.