24 Верасень, панядзелак

Вы тут

У Белавежскай пушчы пачалося паўторнае забалочванне асушанага балота


Першая плаціна была ўсталявана на тэрыторыі балота Дзікі Нікор Пружанскага раёна. Усяго тут будзе пабудавана 112 земляных дамб.


Пілотны праект забалочвання Дзікага Нікора грамадская арганізацыя «Ахова птушак Бацькаўшчыны» прэзентавала яшчэ ў 1997 годзе. Мэта - вярнуць на гэтыя землі чырвонакніжных дупеля і куліка, якія раней гнездаваліся на балотах. Але ў 1957 годзе ў Белавежскай пушчы з мэтай павелічэння тэрыторый, прыдатных для сельскагаспадарчых работ, была ўведзена ў эксплуатацыю меліярацыйная сістэма. Гэта прывяло да таго, што некаторыя віды птушак пакінулі пушчу.

Аднаўленчыя работы вядуцца пры фінансавай падтрымцы Франкфурцкага заалагічнага таварыства. Агульны кошт праекта, па словах каардынатара Еўрапейскіх праграм гэтай арганізацыі Міхаіла Бромбахера, склаў каля 75 тысяч еўра. Навуковае абгрунтаванне праекта падрыхтавалі спецыялісты Інстытута эксперыментальнай батанікі НАН Беларусі. Інжынерны праект распрацаваны ААТ «Палессегіправадгас». Ва ўрачыстай закладцы першай плаціны паўдзельнічалі прадстаўнікі Міністэрства прыродных рэсурсаў і аховы навакольнага асяроддзя, двух нацыянальных паркаў, размешчаных на тэрыторыі Белавежскай пушчы, Франкфурцкага заалагічнага грамадства, грамадскай арганізацыі «Ахова птушак Бацькаўшчыны».

Сяргей НІКАНОВІЧ

Фота аўтара

Дадаць каментар

Выбар рэдакцыі

Спорт

Цырымонія развітання з Анатолем Капскім прайшла ў «Барысаў-Арэне»

Цырымонія развітання з Анатолем Капскім прайшла ў «Барысаў-Арэне»

Грамадзянская паніхіда працягвалася больш за дзве гадзіны ў "Барысаў-Арэне".

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.