Беларускі парламентарый упершыню прыме ўдзел у мерапрыемствах Лацінаамерыканскага парламента. Намеснік cтаршыні Палаты прадстаўнікоў Нацыянальнага сходу Рэспублікі Беларусь Баляслаў ПІРШТУК стане ўдзельнікам XXXІІ Генеральнай асамблеі Лацінаамерыканскага парламента, якая будзе праходзіць з 1 па 3 снежня бягучага года ў Панаме.
Падчас гэтага мерапрыемства віцэ-спікер ніжняй палаты выступіць з вітальным словам, а таксама правядзе рабочыя сустрэчы з членамі афіцыйных дэлегацый парламентаў — членаў Лацінаамерыканскага парламента, прадстаўнікамі іншых міжпарламенцкіх арганізацый. Як паведамляе прэс-служба Палаты прадстаўнікоў, прадметам для абмеркавання стануць пытанні двухбаковага міжпарламенцкага супрацоўніцтва.
Нагадаем, у сакавіку 2016 года было падпісана Пагадненне аб супрацоўніцтве паміж Нацыянальным сходам Рэспублікі Беларусь і Лацінаамерыканскім парламентам, у адпаведнасці з якім беларускаму парламенту быў нададзены статус пастаяннага назіральніка пры розных органах Лацінаамерыканскага парламента.
Раман АЛЯХНОВІЧ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
