Першымі наведвальнікамі новага Палаца культуры ў Бярозе сталі ўдзельнікі святочнага мерапрыемства з нагоды Дня работнікаў сельскай гаспадаркі і перапрацоўчай прамысловасці. Уручэнне працоўных адзнак і канцэрт адбылося ў глядзельнай зале на 660 месцаў з самым сучасным інтэр'ерам.
Перад сходам прайшло ўрачыстае адкрыццё новага Палаца культуры. Яго ўзводзілі амаль чатыры гады за сродкі бюджэту. І вось адкрыццё аб'екта для павышэння культурнага ўзроўню жыхароў раёна стала сімвалічнай акцыяй напрыканцы Года культуры. Пра гэта ў вітальным слове сказаў старшыня Брэсцкага аблвыканкама Анатоль ЛІС.
Тое, што першымі змаглі ацаніць палац аграрыі, выглядала вельмі дарэчы: як кажуць, не хлебам адзіным. Менавіта іх дзеці і ўнукі змогуць наведваць харавую студыю, класы харэаграфіі і ігры на розных інструментах, танцаваць на дыскатэках, а таксама браць шлюб у новых прыгожых пакоях і залах. Сюды пераехала зала для рэгістрацыі шлюбаў. І пары ва ўрачыстых вясельных строях арганічна ўпісаліся ў першы афіцыйны працоўны дзень новага Палаца культуры.
Святлана ЯСКЕВІЧ
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
