Вы тут

Беларускія настаўнікі будуць стажыравацца ў Францыі


БДПУ і Вышэйшая школа выкладчыцкага складу і адукацыі Акадэміі Ліёна падпісалі пагадненне аб супрацоўніцтве.

Пашырацца магчымасці і ў студэнтаў. Акрамя стандартных абменаў, як мяркуецца, будуць прапрацоўваць сумесныя магістарскія праграмы на аснове сеткавага ўзаемадзеяння. Тыя, хто іх асвоіць, змогуць атрымаць двайны дыплом. Дагавор паміж дзвюма ВНУ падпісалі ў сераду, 30 лістапада, падчас І Беларуска-французскага міжрэгіянальнага форуму ў Мінску.


Рэктар Вышэйшай школы выкладчыцкага складу і адукацыі Акадэміі Ліёна Ален МУНЬЁТ адзначыў, што партнёрства з Усходняй Еўропай з'яўляецца вельмі цікавым кірункам. «Я спадзяюся на плённае супрацоўніцтва і вялікія праекты», — падкрэсліў спадар Муньёт.

У сваю чаргу рэктар БДПУ Аляксандр ЖУК расказаў аб сумесных планах у развіцці навукі:

— Мы дамовіліся аб правядзенні сумесных даследаванняў у сферы адукацыі з выхадам на падрыхтоўку сумесных манаграфій і артыкулаў. За апошнія гады БДПУ заключыў 39 дагавораў з рознымі ўніверсітэтамі свету. Я думаю, што гэтая дамова будзе спрыяць пашырэнню і паглыбленню супрацоўніцтва паміж гарадамі-пабрацімамі Мінскам і Ліёнам і, вядома ж, паміж нашымі ўніверсітэтамі.

Надзея АНІСОВІЧ

anіsovіch@zvіazda.by

Загаловак у газеце: Настаўнікі будуць стажыравацца ў Францыі

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».