Вы тут

І зноў “Бярозка”…


І зноў “Бярозка” ідзе да падлеткаў. 29 лістапада ў Цэнтральнай дзіцячай бібліятэцы імя Астроўскага прайшла сустрэча гімназістаў, ліцэістаў і іх настаўнікаў з супрацоўнікамі Нацыянальнага інстытута адукацыі, пад эгідай якога мерапрыемства ладзілася, і часопісам “Бярозка”.

Гюльнара Юсцінская распавядае пра КнігаСвет

І ўсе слухаюць

Гэта была, без перабольшвання, захапляльная нізка лекцый кшталту тых, якія чытаюцца для асабліва зацікаўленай публікі, гатовай да ўспрымання інфармацыі пра сучасны літаратурны працэс у краіне і да ўдзелу ў яго абмеркаванні. Начальнік Адукацыйнага цэнтра Нацыянальнага інстытута адукацыі Ірына Шаўлякова-Барзенка распавяла пра літаратурнае жыццё ў Беларусі, якое, між іншым, віруе не ў прыклад некаторым замежным. Былі дакладна, наглядна, на слайдах акрэслены асаблівасці яго разгортвання ў апошнія паўтара дзясяткі гадоў: з “выкрываннем” удзельнікаў, падзей і праектаў. Размова ішла пра эстэтычны і мастацкі феномены беларускай літаратуры новага стагоддзя, а таксама пра стратэгіі выжывання прыгожага пісьменства ў новай інфармацыйнай рэальнасці. Ірына Леанідаўна адзначыла інтэрнет-рэсурсы, задзейнічаныя ў названым працэсе, раскрыла формы сучасных стасункаў сюжэту і фабулы, распавяла і пра літконкурсы, і пра літкурсы. Лагічным працягам размовы стала своеасаблівая прэзентацыя інтэрнет-праекта “КнігаСвет” начальнікам упраўлення дыстанцыйных адукацыйных паслуг Нацыянальнага інстытута адукацыі Гюльнарой Юсцінскай. Ярка і вобразна былі прадэманстраваны магчымасці выкарыстання інтэрнет-прасторы, якая павінна-такі добра паслужыць друкаванаму слову. Трэцяй лекцыяй у нізцы стала азнаямленне настаўнікаў і давераных ім падлеткаў з праектамі часопіса “Бярозка”. Галоўны рэдактар Святлана Воцінава асвяціла ролю ў адукацыйным працэсе праектаў і рубрык “Бел.літ.”, “Практыкум”, “Школа журналістыцкі”, “Настаўніцкая на праслушцы”, “Сітуацыя плюс”, “Псі-факторыя”.

Ірына Шаўлякова-Барзенка расказвае пра сучасны літаратурны працэс

Святлана Воцінава распавядае пра часопіс Бярозка

Гюльнара Юсцінская, Ірына Шаўлякова-Барзенка, Святлана Воцінава, настаўнікі, гімназісты і ліцэісты

Кожны ўдзельнік мерапрыемства атрымаў падарунак — кніжную закладку ад часопісаў “Бярозка” і “Маладосць”. У рэдакцыі спадзяюцца, што яны папрацуюць на карысцю і натхненне на ўроках і дома.

Святлана Воцінава

Дадаць каментар

Выбар рэдакцыі

Культура

Топ беларускіх дыялектызмаў, якія вы маглі не ведаць

Топ беларускіх дыялектызмаў, якія вы маглі не ведаць

Нязвыклая форма — заўсёды штуршок для пошуку.

Культура

Як мог выглядаць Мінск? Ведае беларускі архіў

Як мог выглядаць Мінск? Ведае беларускі архіў

Дзе замежнікі вывучаюць савецкую архітэктуру.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра бунт малога, выпадак на ферме і цікавае выступленне на вяселлі.