Вы тут

Як развіваецца супрацоўніцтва паміж Гомельшчынай і Расіяй


Амаль 60 % аб'ёму знешнегандлёвых аперацый прадпрыемстваў Гомельшчыны прыпадае на Расію. Эканамічна наша вобласць злучана з 75 яе суб'ектамі ва ўсіх федэральных акругах. Гэтыя сувязі найбольш цесныя з Маскоўскай і Бранскай абласцямі, а таксама з самой сталіцай Расіі.


З Гомельскай вобласці ў Расійскую Федэрацыю пастаўляюцца чорныя металы і вырабы з іх, сельскагаспадарчая тэхніка, малочная прадукцыя, вырабы з пластмасы і шмат чаго яшчэ.

Начальнік аддзела міжнароднага супрацоўніцтва камітэта эканомікі Гомельскага аблвыканкама Ірына Давыдзенка гаворыць, што цяпер у Расійскай Федэрацыі дзейнічае пяць уласных суб'ектаў тавараправоднай сеткі гомельскіх прадпрыемстваў мяса-малочнай галіны. Аб'ёмы паставак прадукцыі за першае паўгоддзе на адрас уласных крам павысіліся практычна ўдвая:

— Акрамя таго, прадпрыемствы мяса-малочнай галіны маюць дыстрыб'ютараў у 12 рэгіёнах Расійскай Федэрацыі. Малочная прадукцыя пастаўляецца ў 15, а ялавічына і каўбасныя вырабы — у 17. Паміж Гомельскай вобласцю і расійскімі рэгіёнамі складзена 26 дагавораў аб гандлёва-эканамічным і навукова-культурным супрацоўніцтве. 80 дамоўленасцяў пра партнёрскія і пабрацімскія сувязі рэалізуюцца гарадамі і раёнамі вобласці з адпаведнымі адміністрацыйнымі расійскімі ўтварэннямі.

Больш за 10 гадоў ажыццяўляецца міжрэгіянальнае супрацоўніцтва паміж Жлобінскім раёнам і Выксунскім муніцыпальным раёнам Ніжагародскай вобласці. У горадзе Выкса працуе гандлёвы цэнтр «Жлобінскі кірмаш». На яго першым паверсе прадстаўлены беларускія прадукты харчавання, а на другім — прамысловыя тавары. Сваю прадукцыю сюды пастаўляюць не толькі Жлобінскі мясакамбінат, але і іншыя прадпрыемствы. Расіяне з задавальненнем набываюць мужчынскія касцюмы ад гомельскай фабрыкі «Камінтэрн», кашулі ад мазырскай «Надэкс», штучнае футра ад «Белфа», дзіцячае адзенне ад Жлобінскай швейнай фабрыкі і шмат чаго яшчэ...

Партнёрскія адносіны паміж Гомельскай вобласцю і паўднёва-заходняй акругай сталіцы Расіі актыўна развіваюцца на працягу апошніх дзесяці гадоў. Адным з вынікаў гэтага ўзаемадзеяння ў межах рэалізацыі дагавора аб эканамічным, навукова-тэхнічным і сацыяльна-культурным супрацоўніцтве стала ўладкаванне на тэрыторыі Савецкага раёна Гомеля праекта «Маскоўскі дворык», а ў раёне Новыя Чаромушкі — праекта «Беларускі дворык».

Апошні ўпрыгожвае скульптурная кампазіцыя, у якой ёсць месца фантану, а таксама зубру, буслам, вожыкам і жабкам. Гомельскі скульптар Дзмітрый Папоў паклапаціўся, каб па перыметры была выкладзена плітка з беларускім арнаментам і ўсталяваны лаўкі вытворчасці гомельскага ліцейнага завода «Цэнтраліт». Пра паходжанне дворыка нагадваюць таксама выявы гербаў Гомеля і Гомельскай вобласці. На тэрыторыі добраўпарадкаваныя спартыўная і дзіцячая пляцоўкі з арэлямі, трэнажорамі, пясочніцамі і дэкаратыўнымі ліхтарамі.

Ну а ў падарунак гамяльчанам расіяне зрабілі ў Гомелі прыгожы і сучасны «Маскоўскі дворык». За кошт прэфектуры Паўднёва-заходняй акругі Масквы ў двары па вуліцы Бочкіна абсталяваны спортпляцоўкі са спецыяльным пакрыццём, дзіцячыя пляцоўкі з гульнявым абсталяваннем, усталяваны лаўкі, абноўлена хакейная пляцоўка, разбіты новыя газоны...

Дагавор аб эканамічным, навукова-тэхнічным і сацыяльна-культурным супрацоўніцтве паміж Гомельскім аблвыканкамам і Адміністрацыяй Бранскай вобласці падпісаны сёлета ў жніўні. На тэрыторыі гэтага расійскага рэгіёна дзейнічае сумеснае прадпрыемства па вытворчасці сельскагаспадарчай тэхнікі — закрытае акцыянернае таварыства «Брансксельмаш». Цяпер тут арганізаваны ўчасткі зваркі, афарбоўкі, механічнай апрацоўкі... Спецыялісты сумеснага прадпрыемства разам з Гомсельмашам займаюцца вытворчасцю і рэалізацыяй сельскагаспадарчай тэхнікі і запасных частак, а таксама сэрвісным абслугоўваннем. На прадпрыемстве адбываецца зборка сямі мадэляў камбайнаў, якія прайшлі выпрабаванні і маюць усе неабходныя сертыфікаты Расійскай Федэрацыі.

Развіваюцца прамыя партнёрскія кантакты і паміж адукацыйнымі ўстановамі Масквы і Гомельскай вобласці. Так, школа № 1368 Масквы і Рэчыцкі раённы ліцэй падпісалі дагаворы аб супрацоўніцтве. Аналагічныя існуюць паміж Гомельскім абласным ліцэем і Цэнтрам адукацыі «Школа здароўя» № 46 Масквы, а таксама паміж школай № 191 сталіцы Расіі і гімназіяй № 51 Гомеля.

Актыўна развіваецца супрацоўніцтва ў сферы спорту, турызму і культуры. Сёлета літаратурныя відэамасты звязвалі Гомель з Масквой. На іх абмяркоўвалася, у тым ліку, творчасць дзіцячых пісьменнікаў Гомельшчыны.

Ірына АСТАШКЕВІЧ

іost@zvіazda.by

Загаловак у газеце: Ёсць кантакт!

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.