Вы тут

Каманда БДУІР прабілася ў фінал чэмпіянату свету па праграміраванні


Паўфінал Паўночна-Усходняга еўрапейскага рэгіёна каманднага Чэмпіянату свету па праграміраванні ACM ICPC прайшоў у Санкт-Пецярбургу. Традыцыйна паўфінальныя спаборніцтвы прымаў у сваіх сценах Універсітэт ІТМО. Усе ахвотныя маглі назіраць за прамой трансляцыяй спаборніцтваў, а таксама за разборам задач і цырымоніяй закрыцця.


Выступленне каманды студэнтаў факультэта камп’ютарных сістэм і сетак БДУІР Belarusian SUIR #1, за якую выступалі Андрэй Воўчак (капітан), Андрэй Собаль і Аляксей Вісцяж,  трымала ў напрузе ўсіх балельшчыкаў. Сваю першую задачу хлопцы здалі толькі праз паўгадзіны, прычым з другой спробы. Наступная паддалася ім у канцы першай гадзіны. Але далей праграмісты ўвайшлі ў смак. Асабліва парадавалі яны сваіх балельшчыкаў, калі на працягу адной хвіліны здалі чацвёртую і пятую задачы, што адразу вывела  каманду на другое месца. Пасля гэтага хлопцы трывала замацаваліся ў першай дзесятцы, якую не пакідалі да  "замарожвання" вынікаў. І нават няўдача ў апошнюю гадзіну спаборніцтваў не стала вырашальнай для іх. Вынікам стала 9-е месца, дыплом першай ступені і выхад у фінал.

У гэтым годзе БДУІР у паўфінале прадстаўлялі тры каманды. Каманды Belarusian SUIR #2 і  Belarusian SUIR # 3 сталі ўладальнікамі дыпломаў трэцяй ступені. Згодна з правіламі, у фінал можа прайсці ад універсітэта толькі адна каманда, якая паказала найлепшы вынік. Таму канкурыруюць паміж сабой у тым ліку і студэнты адной ВНУ.

Зборныя універсітэта трэніруюць бронзавыя прызёры чэмпіянату свету па праграміраванні Аляксей Ропан і Данііл Беражноў, кіраўнік зборных БДУІР — намеснік дэкана факультэта камп'ютэрных сістэм і сетак Аляксей Ляшчоў.

Усяго ў папярэдніх адборачных этапах Паўночна-Усходняга еўрапейскага рэгіёну ўзялі  ўдзел 1341 каманда. У паўфінальныя спаборніцтвы былі адабраны 266 студэнцкіх каманд з ВНУ Беларусі, Расіі, Латвіі, Літвы, Эстоніі, Казахстана, Грузіі, Арменіі, Азербайджана, Кіргізіі, Туркменістана і Узбекістана. Менавіта гэты паўфінал называюць  “групай смерці”, таму што ў ім выступаюць самыя моцныя студэнцкія каманды праграмістаў, у тым ліку і неаднаразовыя абсалютныя пераможцы чэмпіянату свету — студэнты Санкт-Пецярбургскага ўніверсітэта ІТМО.

Дзякуючы высокім выніках, якія прадэманстравалі студэнцкія каманды з нашага рэгіёну ў фінале 2016 года, квота для Паўночна-Усходняга еўрапейскага рэгіёну ў фінале была павялічана да 17 каманд. У фінал прайшлі студэнты наступных ВНУ: Санкт-Пецярбургскага дзяржаўнага ўніверсітэта, Універсітэта ІТМО, Маскоўскага фізіка-тэхнічнага інстытута, Уральскага федэральнага ўніверсітэта, Пермскага дзяржаўнага ўніверсітэта, БДУІР,  Вільнюскага ўніверсітэта, Новасібірскага дзяржаўнага ўніверсітэта, Санкт-Пецярбургскага акадэмічнага  ўніверсітэта, Латвійскага ўніверсітэта,  Саратаўскага дзяржаўнага ўніверсітэта, Ерэванскага дзяржаўнага ўніверсітэта, Самарскага нацыянальнага даследчага ўніверсітэта, Томскага політэхнічнага ўніверсітэта, Петразаводскага дзяржаўнага ўніверсітэта, Маскоўскага дзяржаўнага ўніверсітэта і Вышэйшай школы эканомікі (Расія).

Фінал самых прэстыжных у свеце спаборніцтваў па праграміраванні пройдзе ў мае 2017 года ў Паўднёвай Дакоце (ЗША). Гонар беларускай школы праграміравання будзе абараняць у ім толькі адна каманда БДУІР. На жаль, але ўпершыню за многа гадоў студэнты Беларускага дзяржаўнага ўніверсітэта, якія неаднойчы станавіліся прызёрамі сусветнага першынства, не здолелі прабіцца ў фінал…

Надзея НІКАЛАЕВА

nikalaeva@zviazda.by

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.